பாகூர் அருகே கல்லூரி மாணவி மாயம்

பாகூர்:

பாகூரை அடுத்த நிர்ணயப்பட்டு கிராமத்தை சேர்ந்தவர் பத்மநாபன் (வயது 48), விவசாயி. இவரது மகள் அகிலா (18). காரைக்கால் வேளாண் கல்லூரியில் படித்து வந்தார். தற்போது வீட்டில் இருந்தபடி ஆன்லைன் மூலம் படித்தார். 

கடந்த 16-ந் தேதி காலை கோவிலுக்கு செல்வதாக கூறி விட்டு சென்ற அகிலா மீண்டும் வீடு திரும்பவில்லை. இதனால் அதிர்ச்சி அடைந்த பெற்றோர் பல்வேறு இடங்களில் தேடிப்பார்த்தும் அவர் கிடைக்கவில்லை.

இது குறித்த புகாரின்பேரில் பாகூர் போலீஸ் சப்-இன்ஸ்பெக்டர் விஜயக்குமார் வழக்குப்பதிவு செய்து விசாரணை நடத்தி வருகிறார்.