புதுச்சேரி:
புதுவை அரியாங்குப்பம் தொகுதி காங்கிரஸ் எம்.எல்.ஏ. ஜெயமூர்த்தி (வயது 60). இவரது டிரைவர் மற்றும் உதவியாளருக்கு சமீபத்தில் மருத்துவ பரிசோதனை செய்ததில் கொரோனா பாதிப்பு இருப்பது கண்டறியப்பட்டது. இதைத்தொடர்ந்து ஜெயமூர்த்தி எம்.எல்.ஏ.வும் தனியார் ஆஸ்பத்திரி ஒன்றில் கொரோனா பரிசோதனை மேற்கொண்டதுடன் முருங்கப்பாக்கத்தில் உள்ள ஆரம்ப சுகாதார நிலையத்தில் துரித பரிசோதனையும் செய்துகொண்டார். அப்போது அவருக்கு கொரோனா பாதிப்பு இருப்பது உறுதி செய்யப்பட்டது. இதைத்தொடர்ந்து ஜெயமூர்த்தி எம்.எல்.ஏ. சென்னையில் உள்ள தனியார் ஆஸ்பத்திரியில் சிகிச்சைக்காக அனுமதிக்கப்பட்டார். அங்கு அவருக்கு சிகிச்சை அளிக்கப்பட்டு வருகிறது.
புதுவையில் ஏற்கனவே அமைச்சர்கள் கந்தசாமி, கமலக்கண்ணன், எம்.எல்.ஏ.க்கள் என்.எஸ்.ஜே.ஜெயபால், சிவா, பாஸ்கர், அனந்தராமன் ஆகியோருக்கு தொற்று பாதிப்பு கண்டறியப்பட்டதையடுத்து சிகிச்சைக்குப் பின் அவர்கள் மீண்டனர். தற்போது மற்றொரு காங்கிரஸ் எம்.எல்.ஏ.வான ஜெயமூர்த்திவுக்கு கொரோனா பாதிப்பு ஏற்பட்டு உள்ளது.
