டாஸ்மாக் பணியாளர்கள் ஆர்ப்பாட்டம்

சிக்கல்:

கீழ்வேளூர் அருகே குருக்கத்தி டாஸ்மாக் கடை எதிரே டாஸ்மாக் பணியாளர்கள் சங்கம் சார்பில் ஆர்ப்பாட்டம் நடந்தது. ஆர்ப்பாட்டத்திற்கு செந்தில்குமார் தலைமை தாங்கினார். ஏ.ஐ.டி.யூ.சி. மாவட்ட செயலாளர் மகேந்திரன், பொருளாளர் அம்பேத்கார் ஆகியோர் முன்னிலை வகித்தனர். ஆர்ப்பாட்டத்தில் கொரோனாவால் உயிரிழந்த டாஸ்மாக் ஊழியர்களின் குடும்பத்திற்கு ரூ.50 லட்சம் வழங்கிட வேண்டும். அவர்கள் குடும்பத்திற்கு அரசு வேலை வழங்கிட வேண்டும். பணியாளர்களுக்கான காப்பீட்டு திட்டத்தை உடனே அமல்படுத்த வேண்டும். மதுக்கடைகள் வேலை நேரத்தை மாலை 5 மணியாக குறைக்க வேண்டும் என்பன உள்ளிட்ட 10 அம்ச கோரிக்கைகளை வலியுறுத்தி கோஷங்கள் எழுப்பப்பட்டன.