வண்டலூர்:
செங்கல்பட்டு மாவட்டம் கூடுவாஞ்சேரியை அடுத்த மாடம்பாக்கம் தாய் மூகாம்பிகை நகர் பகுதியை சேர்ந்தவர் உமா (வயது 35), இவர் அதே பகுதியில் உள்ள அங்கன்வாடியில் ஊழியராக வேலை செய்து வந்தார். இவரது கணவர் இறந்து விட்டார். இவருக்கு 17 வயதில் ஒரு மகன், 15 வயதில் ஒரு மகள் உள்ளனர். இந்த நிலையில் உமா நேற்று முன்தினம் இரவு தனது வீட்டின் மாடியில் செல்போனில் பேசிக்கொண்டிருந்தார். திடீரென அவர் மாடியில் இருந்து கீழே இறங்கி வீட்டில் உள்ள படுக்கை அறைக்கு சென்று கதவை உள்தாழ்ப்பாள் போட்டு கொண்டார். நீண்ட நேரமாகியும் கதவு திறக்கப்படாததால் சந்தேகம் அடைந்த உறவினர்கள் வீட்டின் கதவை உடைத்து உள்ளே சென்று பார்த்தனர். உமா தூக்கில் தொங்கிய நிலையில் காணப்பட்டார். உடனடியாக உறவினர்கள் அவரை மீட்டு பொத்தேரியில் உள்ள தனியார் ஆஸ்பத்திரிக்கு கொண்டு சென்றனர்.
அங்கு டாக்டர்கள் பரிசோதித்து பார்த்து விட்டு அவர் இறந்து விட்டதாக தெரிவித்தனர். இது குறித்து கூடுவாஞ்சேரி போலீஸ் இன்ஸ்பெக்டர் அசோகன் வழக்குப்பதிவு செய்து உமா செல்போனில் யாரிடம் பேசி கொண்டிருந்தார், எதற்காக அவர் தற்கொலை செய்து கொண்டார் என்று விசாரித்து வருகிறன்றனர்.
