என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கூடலூரில் சாலையில் கிடந்த ரூ.45 ஆயிரத்தை போலீசில் ஒப்படைத்த ஆட்டோ டிரைவர்
Byமாலை மலர்24 Sep 2019 5:19 PM GMT (Updated: 24 Sep 2019 5:19 PM GMT)
கூடலூரில் சாலையில் கிடந்த ரூ.45 ஆயிரத்தை போலீசில் ஒப்படைத்த ஆட்டோ டிரைவருக்கு போலீசார் பாராட்டு தெரிவித்துள்ளனர்.
ஊட்டி:
கூடலூர் நகராட்சிக்கு உட்பட்ட செம்பாலா அட்டி பகுதியை சேர்ந்தவர் ஜாக்சன்(வயது 50). ஆட்டோ டிரைவர். இவர் நேற்று காலை 8 மணிக்கு வழக்கம் போல் பயணிகளை அழைத்து கொண்டு செம்பாலாவில் இருந்து கூடலூருக்கு ஆட்டோவை ஓட்டி வந்தார். அப்போது அட்டி செம்பாலா இடையே வந்த போது சாலையில் ரூபாய் நோட்டுகள் சிதறி கிடந்தன. இதை கண்ட ஜாக்சன் உடனே ஆட்டோவை நிறுத்தினார்.
பின்னர் சாலையில் சிதறி கிடந்த ரூபாய் நோட்டுகளை சேகரித்தார். அதில் ரூ.45 ஆயிரம் இருந்தது. பின்னர் தனது ஆட்டோவில் வந்த பயணிகளை கூடலூருக்கு ஜாக்சன் அழைத்து சென்று விட்டார். தொடர்ந்து ஜாக்சன் தனது சக ஆட்டோ டிரைவர்களான தமிழ், கண்ணதாசன், மொரி, சியாபு, ஜீவா ஆகியோருடன் கூடலூர் போலீஸ் நிலையத்துக்கு சென்றார். அங்கு போலீஸ் சப்-இன்ஸ்பெக்டர் பிரகாஷ், சிறப்பு தனிப்பிரிவு சப் இன்ஸ்பெக்டர் சத்தி ஆகியோரை சந்தித்து விவரங்களை தெரிவித்தார். பின்னர் சாலையில் கிடந்த ரூ.45 ஆயிரத்தை சப்இன்ஸ்பெக்டர் பிரகாஷிடம் ஜாக்சன் ஒப்படைத்தார்.
இதனிடையே செம்பாலா பகுதியை சேர்ந்த ஒப்பந்ததாரர் சிகாமணி (49) என்பவர் கூடலூர் போலீஸ் நிலையத்துக்கு வந்தார். பின்னர் மோட்டார் சைக்கிளில் கூடலூருக்கு வரும் போது தான் வைத்திருந்த ரூ.45 ஆயிரம் கீழே விழுந்து காணாமல் போய் விட்டதாக போலீசாரிடம் தெரிவித்தார். அதில் உண்மை தன்மை இருப்பது விசாரணையில் தெரிய வந்தது. பின்னர் அந்த பணம் ஆட்டோ டிரைவர் ஜாக்சன் கையால் சிகாமணியிடம் ஒப்படைக்கப்பட்டது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X