என் மலர்
செய்திகள்
உளுந்தூர்பேட்டை அருகே அழுகிய நிலையில் பிணமாக கிடந்த வாலிபர் அடையாளம் தெரிந்தது
உளுந்தூர்பேட்டை அருகே அழுகிய நிலையில் பிணமாக கிடந்த வாலிபர் அடையாளம் தெரிந்தது. போலீசார் வாலிபரின் நண்பர்களிடம் தொடர்ந்து விசாரணை நடத்தி வருகின்றனர்.
உளுந்தூர்பேட்டை:
சென்னை வேளச் சேரியை சேர்ந்தவர் சிவா (வயது 33). இவர் கோவையில் உள்ள ஒரு தனியார் நிறுவனத்தில் ஒப்பந்த தொழிலாளியாக வேலை பார்த்து வந்தார்.
இந்த நிலையில் கடந்த 3-ந் தேதி அலுவலகத்தில் விடுமுறை எடுத்துக் கொண்டு சென்னைக்கு புறப்பட்டார். ஆனால் அவர் வேளச்சேரியில் உள்ள அவரது வீட்டுக்கு செல்லவில்லை.
இதைத்தொடர்ந்து சிவாவின் தாயார் விஜயலட்சுமி அவரது செல்போனுக்கு தொடர்பு கொள்ள முயன்றார். ஆனால் அவரது போன் சுவிட்ச் ஆப் செய்யப்பட்டிருந்தது.
இதைத்தொடர்ந்து சிவாவின் நண்பர்களுக்கு செல்போனில் தொடர்பு கொண்டு பேசியபோது அவர் கோவையில் இருந்து சென்னைக்கு புறப்பட்டு வந்ததாக தெரிவித்தனர்.
ஆனால் சிவா இன்னும் வீட்டுக்கு வரவில்லை என்று அவரது தாய் விஜயலட்சுமி அவர்களிடம் கூறினார். இதைத் தொடர்ந்து சிவா காணாமல் போனது தொடர்பாக கோவை பீளமேடு போலீ சில் புகார் செய்யப்பட்டது. சிவாவை போலீசார் தேடி வந்தனர்.
இந்த நிலையில் நேற்று முன்தினம் விழுப்புரம் மாவட்டம் உளுந்தூர்பேட்டை செங்குறிச்சி கிராமத்தின் ஏரிக்கரை அருகே உள்ள விவசாய நிலத்தில் 30 வயது மதிக்கத்தக்க ஆண் பிணம் ஒன்று அழுகிய நிலையில் கிடந்தது.
அந்த வழியாக சென்ற பொதுமக்கள் இதை பார்த்து அதிர்ச்சி அடைந்தனர். பின்னர் உளுந்தூர்பேட்டை போலீசாருக்கு தகவல் தெரிவித்தனர்.
போலீசார் சம்பவ இடத்துக்கு விரைந்து வந்து அழுகியநிலையில் கிடந்த வாலிபரின் உடலை கைப்பற்றி பிரேத பரிசோதனைக்காக முண்டியம்பாக்கம் அரசு ஆஸ்பத்திரிக்கு அனுப்பி வைத்தனர்.
இது தொடர்பாக போலீசார் வழக்குப்பதிவு செய்து இறந்து கிடந்த வாலிபர் யார்? என்பது குறித்து தீவிர விசாரணை மேற்கொண்டனர். தமிழகத்தில் உள்ள போலீஸ் நிலையத்தில் காணாமல் போனவர்கள் குறித்து பதிவாகி இருந்த வழக்குகளை வைத்து போலீசார் விசாரித்தனர்.
அதில் செங்குறிச்சி ஏரிக்கரை பகுதியில் உள்ள விவசாய நிலத்தில் இறந்து கிடந்த வாலிபர் சென்னை வேளச்சேரியை சேர்ந்த சிவாவாக இருக்கலாம் என போலீசாருக்கு சந்தேகம் ஏற்பட்டது. இதைத் தொடர்ந்து சிவாவின் தாயார் விஜயலட்சுமியை போலீசார் தொடர்பு கொண்டு நேரில் வரவழைத்தனர். அவரிடம் இறந்து கிடந்த வாலிபரிடம் இருந்து கைப்பற்றப்பட்ட பொருட்களை காண்பித்தனர். அதைப்பார்த்த விஜயலட்சுமி தனது மகன் சிவாவின் பொருட்கள்தான் என உறுதி செய்தார். இதைத் தொடர்ந்து அழுகியநிலையில் பிணமாக கிடந்தது சிவாதான் என்பது உறுதியானது.
இதைத்தொடர்ந்து கோவை பகுதியில் சிவாவுடன் வேலைபார்த்த அவரது நண்பர்களையும் உளுந்தூர்பேட்டை போலீஸ் நிலையத்துக்கு வரவழைத்து போலீசார் விசாரணை நடத்தி வருகின்றனர்.
கோவையில் இருந்து சென்னைக்கு புறப்பட்ட சிவா எப்படி உளுந்தூர்பேட்டை அருகே உள்ள செங்குறிச்சிக்கு எதற்காக வந்தார். சிவாவை யாரேனும் அடித்துகொலை செய்து பிணத்தை வீசி சென்றார்களா? அல்லது வேறு ஏதேனும் காரணமா? என்பது குறித்து போலீசார் தொடர்ந்து விசாரணை மேற்கொண்டு வருகின்றனர். சிவாவின் சாவில் தொடர்ந்து மர்மம் நீடிக்கிறது.
சென்னை வேளச் சேரியை சேர்ந்தவர் சிவா (வயது 33). இவர் கோவையில் உள்ள ஒரு தனியார் நிறுவனத்தில் ஒப்பந்த தொழிலாளியாக வேலை பார்த்து வந்தார்.
இந்த நிலையில் கடந்த 3-ந் தேதி அலுவலகத்தில் விடுமுறை எடுத்துக் கொண்டு சென்னைக்கு புறப்பட்டார். ஆனால் அவர் வேளச்சேரியில் உள்ள அவரது வீட்டுக்கு செல்லவில்லை.
இதைத்தொடர்ந்து சிவாவின் தாயார் விஜயலட்சுமி அவரது செல்போனுக்கு தொடர்பு கொள்ள முயன்றார். ஆனால் அவரது போன் சுவிட்ச் ஆப் செய்யப்பட்டிருந்தது.
இதைத்தொடர்ந்து சிவாவின் நண்பர்களுக்கு செல்போனில் தொடர்பு கொண்டு பேசியபோது அவர் கோவையில் இருந்து சென்னைக்கு புறப்பட்டு வந்ததாக தெரிவித்தனர்.
ஆனால் சிவா இன்னும் வீட்டுக்கு வரவில்லை என்று அவரது தாய் விஜயலட்சுமி அவர்களிடம் கூறினார். இதைத் தொடர்ந்து சிவா காணாமல் போனது தொடர்பாக கோவை பீளமேடு போலீ சில் புகார் செய்யப்பட்டது. சிவாவை போலீசார் தேடி வந்தனர்.
இந்த நிலையில் நேற்று முன்தினம் விழுப்புரம் மாவட்டம் உளுந்தூர்பேட்டை செங்குறிச்சி கிராமத்தின் ஏரிக்கரை அருகே உள்ள விவசாய நிலத்தில் 30 வயது மதிக்கத்தக்க ஆண் பிணம் ஒன்று அழுகிய நிலையில் கிடந்தது.
அந்த வழியாக சென்ற பொதுமக்கள் இதை பார்த்து அதிர்ச்சி அடைந்தனர். பின்னர் உளுந்தூர்பேட்டை போலீசாருக்கு தகவல் தெரிவித்தனர்.
போலீசார் சம்பவ இடத்துக்கு விரைந்து வந்து அழுகியநிலையில் கிடந்த வாலிபரின் உடலை கைப்பற்றி பிரேத பரிசோதனைக்காக முண்டியம்பாக்கம் அரசு ஆஸ்பத்திரிக்கு அனுப்பி வைத்தனர்.
இது தொடர்பாக போலீசார் வழக்குப்பதிவு செய்து இறந்து கிடந்த வாலிபர் யார்? என்பது குறித்து தீவிர விசாரணை மேற்கொண்டனர். தமிழகத்தில் உள்ள போலீஸ் நிலையத்தில் காணாமல் போனவர்கள் குறித்து பதிவாகி இருந்த வழக்குகளை வைத்து போலீசார் விசாரித்தனர்.
அதில் செங்குறிச்சி ஏரிக்கரை பகுதியில் உள்ள விவசாய நிலத்தில் இறந்து கிடந்த வாலிபர் சென்னை வேளச்சேரியை சேர்ந்த சிவாவாக இருக்கலாம் என போலீசாருக்கு சந்தேகம் ஏற்பட்டது. இதைத் தொடர்ந்து சிவாவின் தாயார் விஜயலட்சுமியை போலீசார் தொடர்பு கொண்டு நேரில் வரவழைத்தனர். அவரிடம் இறந்து கிடந்த வாலிபரிடம் இருந்து கைப்பற்றப்பட்ட பொருட்களை காண்பித்தனர். அதைப்பார்த்த விஜயலட்சுமி தனது மகன் சிவாவின் பொருட்கள்தான் என உறுதி செய்தார். இதைத் தொடர்ந்து அழுகியநிலையில் பிணமாக கிடந்தது சிவாதான் என்பது உறுதியானது.
இதைத்தொடர்ந்து கோவை பகுதியில் சிவாவுடன் வேலைபார்த்த அவரது நண்பர்களையும் உளுந்தூர்பேட்டை போலீஸ் நிலையத்துக்கு வரவழைத்து போலீசார் விசாரணை நடத்தி வருகின்றனர்.
கோவையில் இருந்து சென்னைக்கு புறப்பட்ட சிவா எப்படி உளுந்தூர்பேட்டை அருகே உள்ள செங்குறிச்சிக்கு எதற்காக வந்தார். சிவாவை யாரேனும் அடித்துகொலை செய்து பிணத்தை வீசி சென்றார்களா? அல்லது வேறு ஏதேனும் காரணமா? என்பது குறித்து போலீசார் தொடர்ந்து விசாரணை மேற்கொண்டு வருகின்றனர். சிவாவின் சாவில் தொடர்ந்து மர்மம் நீடிக்கிறது.
Next Story
×