பூமியான்பேட்டையில் வீடு புகுந்து ரூ.1 லட்சம் நகை கொள்ளை

புதுச்சேரி:

புதுவை பூமியான் பேட்டை மாரியம்மன் கோவில் தெருவை சேர்ந்த வர் மணிகண்டன். இவரது மனைவி தேவி (வயது 30). இவர்களுக்கு 2 குழந்தைகள் உள்ளனர்.

கடந்த சில மாதங்களுக்கு முன்பு கணவர் இறந்து விட்டதால் தேவி வீட்டு வேலை செய்து குடும்பத்தை நடத்தி வந்தார்.

இந்த நிலையில் சம்ப வத்தன்று குழந்தைகளை வீட்டில் விட்டு விட்டு தேவி வேலைக்கு சென்றார். அப்போது குழந்தைகள் விளையாட சென்றிருந்த நிலையில் யாரோ மர்ம ஆசாமிகள் தேவியின் வீட் டுக்குள் புகுந்து அங்கு பீரோவில் வைத்திருந்த 5½ பவுன் நகை மற்றும் ஒரு ஜோடி வெள்ளி கொலுசு ஆகியவற்றை கொள்ளையடித்து சென்று விட்டனர். இதன் மொத்த மதிப்பு ரூ.1 லட்சமாகும்.

இதுகுறித்து தேவி ரெட்டியார் பாளையம் போலீசில் புகார் செய்தார். போலீஸ் சப்-இன்ஸ்பெக்டர் வீரபுத்திரன், உதவி சப்-இன்ஸ்பெக்டர் ஜான் ஆகியோர் வழக்கு பதிவு செய்து நகையை கொள்ளையடித்து சென்ற மர்ம ஆசாமிகளை தேடி வருகிறார்கள்.