அதிமுக சார்பில் தற்போது எம்எல்ஏ-வாக இருக்கும் தூசி.கே. மோகன், திமுக சார்பில் ஒ. ஜோதி, மக்கள் நீதி மய்யம் கட்சி சார்பில் மயில்வாகனன், நாம் தமிழர் கட்சி சார்பில் பீமண், அமமுக சார்பில் மா.கி. வரதராஜன் ஆகியோர் நிறுத்தப்பட்டுள்ளனர்.
அதிமுக வேட்பாளர் தூசி.கே. மோகன் சொத்து மதிப்பு
1. கையிருப்பு- ரூ. 2,00,000
2. அசையும் சொத்து- ரூ. 47,36,515
3. அசையா சொத்து- ரூ. 2,69,00,000
திமுக வேட்பாளர் ஒ. ஜோதி சொத்து மதிப்பு
1. கையிருப்பு- ரூ. 70,000
2. அசையும் சொத்து- ரூ. 15,39,330.78
3. அசையா சொத்து- ரூ. 26,80,000
செய்யாறு அதிகப்படியான விவசாய நிலங்களை கொண்டுள்ள தொகுதி. இங்கு சிப்காட் தொழிற்பேட்டை உருவாக்கப்பட்டு பல முன்னணி தொழிற்சாலைகள் இயங்கி வருகின்றன. இதன் மூலம் மாவட்டத்திற்கு அதிகளவில் வருவாய் ஈட்டக்கூடிய தொகுதியாக செய்யாறு சட்டமன்ற தொகுதி திகழ்கிறது.
விவசாயிகளும், கூலி தொழிலாளர்களும் அதிகளவில் உள்ளனர். இத்தொகுதியில் செய்யாறு, வெம்பாக்கம், ஆகிய 2 தாலுகாவில் செய்யாறு, வெம்பாக்கம், அனக்காவூர் ஆகிய 3 ஒன்றியங்களும், திருவத்திபுரம் நகராட்சியும் அடங்கியுள்ளன.
இங்கு வன்னியர், முதலியார், சமூகத்தை சேர்ந்தவர்கள் அதிகளவில் உள்ளனர். மேலும் முஸ்லிம்கள் உள்பட இதர பிரிவினர்களும் உள்ளனர்.
கடந்த 2016-ம் ஆண்டு சட்டமன்ற தேர்தலில் அ.தி.மு.க. சார்பில் தூசி கே.மோகனும், தி.மு.க. கூட்டணி கட்சியில் இடம் பெற்ற காங்கிரஸ் கட்சி சார்பில் வேட்பாளராக எம்.கே. விஷ்ணுபிரசாத், மக்கள் நலக்கூட்டணியின் சார்பில் தே.மு.தி.க. வேட்பாளராக டி.பி.சரவணன், பா.ம.க. சார்பில் கே.சீனிவாசன் உள்ளிட்ட 15 வேட்பாளர்கள் போட்டியிட்டனர். இதில் தூசி கே.மோகன் வெற்றி பெற்றார்.
பொதுமக்கள் எதிர்பார்ப்பு
செய்யாறு தொகுதியிலும் அரசு பொறியியல் கல்லூரி, அரசு மகளிர் கலைக்கல்லூரி அமைக்க வேண்டும். செய்யாறை தலைமையிடமாக கொண்டு செய்யாறு,வெம்பாக்கம், ஆரணி, சேத்துப்பட்டு, வந்தவாசி ஆகிய தாலுகாவை உள்ளடக்கி புதிதாக மாவட்டம் உருவாக்க வேண்டும் என்பது பொதுமக்களின் முக்கிய எதிர்பார்பாகும்.
மேலும் திருவோத்தூர் வேதபுரிஸ்வரர் கோவிலை சுற்றுலா மையமாக்க வேண்டும். செய்யாறு மாவட்ட அரசு தலைமை மருத்துவமனையில் டாக்டர் உள்பட காலிப்பணியிடங்களை நிரப்ப வேண்டும். மருத்துவ கல்லூரி மற்றும் வேளாண் கல்லூரி அமைக்க வேண்டும்.
வெம்பாக்கம் தாலுகாவில் புதியதாக தீயணைப்பு நிலையம் மற்றும் போலீஸ் நிலையங்கள் உருவாக்க வேண்டும் என்பது உள்ளிட்ட பல்வேறு கோரிக்கைகளை நிறைவேற்ற வேண்டும் என செய்யாறு தொகுதி மக்கள் எதிர்பார்க்கின்றனர்.
தேர்தல் வெற்றி
1952- தர்மலிங்கம்- காங்
1957- ராமச்சந்திரன்- காங்
1962- கோவிந்தன்- தி.மு.க.
1967- கோவிந்தன்- தி.மு.க.
1971- கோவிந்தன்- தி.மு.க.- 1977- புலவர் கோவிந்தன்- தி.மு.க.
1980- பாபு ஜனார்த்தனம்- தி.மு.க.
1984- முருகன்- அ.தி.மு.க.
1989- அன்பழகன்- தி.மு.க.
1991- தேவராசு- அ.தி.மு.க.
1996- அன்பழகன்- தி.மு.க.
2001- பி.எசு.உலகரசன்- பா.ம-.க
2006- விஷ்ணுபிரசாத்- காங்
2011- முக்கூர் என்.சுப்பிரமணியன்- அ.தி.மு.க.
2016- கி.மோகன்- அ.தி.மு.க.
2016 தேர்தல்
தூசி மோகன்- அ.தி.மு.க.- 77,766
விஷ்ணுபிரசாத்- காங்கிரஸ்- 62,239
ஸ்ரீனிவாசன்- பா.ம.க.- 37,491
சரவணன்- தே.மு.தி.க.- 10,855
பாஸ்கரன்- பா.ஜ.க.- 2,388
மோகன்- சுயே- 1,300
வேலாயுதம்- சுயே- 1,080
ராஜேஷ்- நாம் தமிழர்- 974
எ.மோகன்- சுயே- 532
அமுதா- சுயே- 491
ஸ்ரீதர்- சுயே- 443
சவுந்தரபாண்டியன்- சுயே- 295
ரவி- எஸ்பி- 287
மதி- சுயே- 282
பிரேம்குமார்- சுயே- 142
நோட்டா- - 2,248
