நவராத்திரி ஸ்பெஷல் தேங்காய் பாயாசம்

பச்சரிசி - ஒரு கப்

வெல்லம் - முக்கால் கப்

ஏலக்காய் - 2

நெய், முந்திரி, திராட்சை - சிறிதளவு

தேங்காய்த் துருவல் - ஒரு கப்

* கடாயை அடுப்பில் வைத்து நெய் ஊற்றி சூடானதும் முந்திரி, திராட்சையை போட்டு வறுத்து வைக்கவும்.

* வெல்லத்தை துருவி வைக்கவும்.

* பச்சரிசியை 2 மணி நேரம் ஊறவையுங்கள். 

* ஊறவைத்த பச்சரியுடன் தேங்காய்த் துருவல், ஏலக்காய் சேர்த்து மிக்சியில் போட்டு நன்றாக அரைத்துக் கொள்ளவும். 

* ஒரு பாத்திரத்தில் சிறிதளவு தண்ணீர் ஊற்றிக் கொதிக்கவிடுங்கள். தண்ணீர் நன்றாகக் கொதிக்கும்போது அரைத்துவைத்திருக்கும் பச்சரிசி தேங்காய் கலவையை அதில் சேர்த்துக் கைவிடாமல் கட்டியில்லாமல் கிளறிக் கொண்டே இருக்கவும். 

* நன்றாக வெந்ததும் வறுத்த வைத்துள்ள முந்திரி, திராட்சையை சேருங்கள். 

* அடுத்து அதில் துருவிய வெல்லம் சேர்த்துக் கரைந்ததும் இறக்கிவையுங்கள். 

* விரும்பினால் ஆறியதும் சிறிதளவு பால் சேர்க்கலாம். 

* இனிப்பான தேங்காய் பாயாசம் ரெடி.