இஞ்சி ஊறுகாய் செய்வது எப்படி?

இஞ்சி - 1 கப்

மிளகாய் தூள் - கால் கப்

மல்லித் தூள் - கால் கப்

மஞ்சள் தூள் - 1 தேக்கரண்டி

வெல்லம் - அரை கப்

புளி - 1 எலுமிச்சை அளவு

உப்பு - தேவையான அளவு

பூண்டு - 10 பற்கள்

எண்ணெய் - ½ கப்

கடுகு - 1 மேஜைக்கரண்டி

சீரகம் - 1 மேஜைக்கரண்டி

வத்தல் மிளகாய் - 5

பெருங்காயத் தூள் - 1 தேக்கரண்டி

வெந்தயம் - 1 தேக்கரண்டி

கறிவேப்பிலை - கைப்பிடியளவு

* இஞ்சியை தோல் நீக்கி பொடியாக நறுக்கி கொள்ளவும்.

* வெல்லத்தை துருவிக் கொள்ளவும்.

* கடாயை அடுப்பில் வைத்து எண்ணெய் ஊற்றி சூடானதும் நறுக்கி இஞ்சியை எண்ணெயில் போட்டு பொன்னிறமாக பொரித்து ஆற வைக்கவும்.

* ஆறியவுடன் இஞ்சி, புளி மற்றும் பூண்டினை மிக்சியில் போட்டு மென்மையான விழுதாக அரைத்துக் கொள்ளவும்.

* பின்பு அதனுடன் உப்பு, மல்லித் தூள், மிளகாய் தூள், மஞ்சள் தூள், உப்பு மற்றும் வெல்லம் சேர்த்து மீண்டும் அரைத்து கொள்ளவும்.

* கடாயை அடுப்பில் வைத்து எண்ணெய் ஊற்றி சூடானதும் தாளிக்க கொடுத்துள்ள பொருட்களை போட்டு தாளித்த பின் அரைத்த விழுதை சேர்த்து நன்றாக கிளறி கொண்டே இருக்கவும். அடுப்பை மிதமான தீயில் வைத்து கொள்ளவும். 

* எண்ணெய் ஓரங்களில் பிரிந்து வரும் போது இறக்கி ஆறவைத்து ஒரு டப்பாவில் போட்டு வைக்கவும்.

* சுவையான இஞ்சி ஊறுகாய் ரெடி!!!!!