விநாயகர் சதுர்த்தி ஸ்பெஷல்: ராகிமாவு பால் கொழுக்கட்டை

தேவையான பொருட்கள்:

பால் - 5 கப்
சர்க்கரை - 1 கப்
கெட்டியான தேங்காய் பால் - 1 கப்
ஏலக்காய் பொடி - 1 டீஸ்பூன்

கொழுக்கட்டைக்கு...

ராகி மாவு - 1 கப்
அரிசி மாவு - 1/2 கப்
பால் - 1 கப்
நெய் - 1 டீஸ்பூன்
உப்பு - 1/4 டீஸ்பூன்
தண்ணீர் - 1/2 கப்

செய்முறை:

* ஒரு பௌலில் ராகி மாவு, அரிசி மாவு, உப்பு, தண்ணீர் மற்றும் பால் ஆகியவற்றை நீர் போன்று கலந்து பேஸ்ட் செய்து கொள்ள வேண்டும்.

* பின்னர் ஒரு வாணலியில் அதை ஊற்றி, ஓரளவு கெட்டியாகும் வரை கைவிடாமல் கிளறி, கடைசியில் நெய் சேர்த்து பிசைந்து, ஒட்டாமல் வரும் போது சிறு உருண்டைகளாக உருட்டிக் கொள்ள வேண்டும்.

* மற்றொரு வாணலியில் பால் ஊற்றி சர்க்கரை சேர்த்து நன்கு கொதிக்க விட்டு, பின் அதில் ராகி உருண்டைகளை சேர்த்து 10 நிமிடம் வேக வைக்க வேண்டும்.

* பிறகு அதில் தேங்காய் பால், ஏலக்காய் பொடி சேர்த்து கிளறி இறக்கி, 15 நிமிடம் கழித்து பரிமாற வேண்டும்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.