செட்டிநாடு ஸ்டைல் முட்டை குழம்பு

தேவையான பொருட்கள்:

முட்டை - 5
வெங்காயம் - 1
தக்காளி - 1
கொத்தமல்லி - 1 டேபிள் ஸ்பூன்
கரம் மசாலா - 1 டீஸ்பூன்
உப்பு - தேவையான அளவு
எண்ணெய் - 2 டேபிள் ஸ்பூன்

தாளிப்பதற்கு...

பட்டை - 1/2 இன்ச்
கறிவேப்பிலை - சிறிது
கிராம்பு - 1

அரைப்பதற்கு...

துருவிய தேங்காய் - 2 டேபிள் ஸ்பூன்
வரமிளகாய் - 2
பூண்டு - 4-5 பற்கள்
இஞ்சி - 1/2 இன்ச்
கொத்தமல்லி - 1/2 டீஸ்பூன்
மிளகு - 1 டீஸ்பூன்
சீரகம் - 1 டீஸ்பூன்

செய்முறை :

* தக்காளி, வெங்காயம், கொத்தமல்லியை பொடியாக நறுக்கி கொள்ளவும்.

* ஒரு பாத்திரத்தில் தண்ணீர் ஊற்றி, அதில் முட்டைகளைப் போட்டு, வேக வைத்து, முட்டையின் ஓட்டை நீக்கிவிட்டு, பின் அதனை நீளவாக்கில் இரண்டாக வெட்டிக் கொள்ள வேண்டும்.

* ஒரு வாணலியை அடுப்பில் வைத்து, அதில் அரைக்க கொடுத்த அனைத்து பொருட்களையும் போட்டு லேசாக வறுத்து இறக்கி, ஆற வைத்து, மிக்ஸியில் போட்டு தண்ணீர் ஊற்றி பேஸ்ட்டாக அரைத்துக் கொள்ள வேண்டும்.

* மற்றொரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், பட்டை, கறிவேப்பிலை மற்றும் கிராம்பு சேர்த்து தாளித்து, பின் அதில் நறுக்கி வைத்துள்ள வெங்காயம் போட்டு நன்றாக வதக்கிய பின்னர், தக்காளி சேர்த்து பொன்னிறமாக வதக்க வேண்டும்.

* அடுத்து அதில் உப்பு மற்றும் அரைத்து வைத்துள்ள பேஸ்ட் சேர்த்து கிளறி, 5 நிமிடம் கொதிக்க விடவும்.

* பின் அதில் 1 கப் தண்ணீர் ஊற்றி கொதிக்க விட்டு கரம்மசாலா மற்றும் வேக வைத்துள்ள முட்டைகளை சேர்த்து, 10 நிமிடம் மிதமான தீயில் கொதிக்கவிட்டு இறக்கினால், சுவையான செட்டிநாடு ஸ்டைல் முட்டை குழம்பு ரெடி!!!

* முட்டையை அவித்து செய்வதற்கு பதிலாக உடைத்து ஊற்றியும் முட்டை குழம்பு செய்யலாம்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.