சுவையான மாலை நேர ஸ்நாக்ஸ்: ரைஸ் பக்கோடா

தேவையான பொருட்கள் :

சாதம்  - 1 கப்
கடலைமாவு - 1/2 கப்
வெங்காயம் - 1
இஞ்சி - 1 துண்டு
பச்சைமிளகாய் - 2
கொத்தமல்லித்தழை - சிறிதளவு
கறிவேப்பிலை - 1 கொத்து
உப்பு, எண்ணெய் - தேவையானது

செய்முறை :

* இஞ்சி, கொத்தமல்லி, பச்சை மிளகாய் மூன்றையும் பொடியாக நறுக்கிக்கொள்ளவும்.

வெங்காயத்தை நீளவாக்கில் வெட்டிக்கொள்ளவும்.

* வடித்த சாதத்தை நன்றாக குழைய பிசைந்து கொள்ளவும்.

* ஒரு அகண்ட பாத்திரத்தை எடுத்துக்கொண்டு அதில் மசித்த சாதம், கடலைமாவு, பொடியாக நறுக்கிய வெங்காயம், இஞ்சி, பச்சைமிளகாய், கொத்தமல்லித்தழை, கறிவேப்பிலை, தேவையான உப்பு, காய வைத்த எண்ணெய் ஒரு மேசைக்கரண்டி எல்லாவற்றையும் சேர்த்து நன்கு பிசையவேண்டும்.

* அடுப்பில் கடாயில் எண்ணெய் வைத்து காய்ந்ததும் பிசைந்து வைத்துள்ள மாவை பக்கோடாவுக்கு போடுவதுபோல் கிள்ளி போட்டு சிவந்ததும் எடுக்கவேண்டும்.

* மாலை நேர சிற்றுண்டிக்கு மிகவும் உகந்தது.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.