குழந்தைகளுக்கு விருப்பமான முட்டை பிட்சா

தேவையான பொருட்கள்:

பிட்சா பேஸ் - 1
எண்ணெய் - 1 டீஸ்பூன்
வெங்காயம் - 1
தக்காளி - 1
பூண்டு - 2 பற்கள்
முட்டை - 1
தக்காளி கெட்சப் - 3 டேபிள் ஸ்பூன்
உப்பு - தேவையான அளவு
சில்லி ப்ளேக்ஸ் அல்லது மிளகாய் தூள் - 1 டீஸ்பூன்
உலர்ந்த கற்பூரவள்ளி இலைகள் - 1 டீஸ்பூன்
சீஸ் - தேவையான அளவு

செய்முறை :

* தக்காளி, வெங்காயம், பூண்டை பொடியாக நறுக்கி கொள்ளவும்.

* சீஸை துருவிக்கொள்ளவும்.

* முட்டையை வேக வைத்து நீளவாக்கில் 4 துண்டுகளாக வெட்டிக்கொள்ளவும்.

* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், வெங்காயம், தக்காளி, பூண்டு சேர்த்து 2 நிமிடம் வதக்கவும்.

* பின் அதில் தக்காளி கெட்சப் சேர்த்து கிளறி, உப்பு, மிளகாய் தூள், உலர்ந்த கற்பூரவள்ளி இலைகளைச் சேர்த்து நன்கு கிளறி விட வேண்டும்.

* பின்பு ஒரு மைக்ரோ ஓவனில் வைக்கும்படியான தட்டில், பிட்சா பேஸை வைத்து, அதன் மேல் வதக்கிய கலவையை பரப்பி வைத்து, முட்டைகளை வைக்க வேண்டும்.

* பிறகு அதன் மேல் சிறிது நறுக்கிய வெங்காயம், தக்காளி, துருவிய சீஸை தூவி, மேலே உலர்ந்த கற்பூரவள்ளி இலைகள் மற்றும் சில்லி ப்ளேக்ஸை தூவி மைக்ரோ ஓவனில் 2 நிமிடம் அல்லது தவா என்றால் மூடி வைத்து குறைவான தீயில் 5 நிமிடம் வேக வைத்து இறக்கி பரிமாறினால், முட்டை பிட்சா ரெடி!!!

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.