search icon
என் மலர்tooltip icon

    லைஃப்ஸ்டைல்

    சூப்பரான முட்டை கொத்து பரோட்டா
    X

    சூப்பரான முட்டை கொத்து பரோட்டா

    ஹோட்டலில் தான் கொத்து பரோட்டா வாங்கி சாப்பிட முடியும் என்று நினைக்க வேண்டும். வீட்டிலேயே எளிய முறையில் செய்யலாம்.
    தேவையான பொருட்கள் :

    புரோட்டா - 2
    முட்டை - 1
    வெங்காயம் - 2
    தக்காளி - 1
    பச்சைமிளகாய் - 1
    உப்பு - தேவைக்கு
    என்ணெய் - 4 ஸ்பூன்
    கெட்டிச்சால்னா -  1 1/2 குழிக்கரண்டி
    பூண்டு - 8 பல்
    கறிவேப்பிலை -  ஒரு கொத்து
    கொத்தமல்லி - சிறிதளவு

    செய்முறை :

    * புரோட்டாவை கையால் பிய்த்து தனியாக வைத்துக்கொள்ளவும்.

    * கொத்தமல்லி, வெங்காயம், தக்காளி, பூண்டு, மிளகாய் ஆகியவற்றை பொடியாக நறுக்கி கொள்ளவும்,

    * கடாயில் எண்ணெய் விட்டு சூடானதும் மிளகாய் மற்றும் பூண்டு சேர்த்து தாளித்த பின் வெங்காயம், கறிவேப்பிலை சேர்த்து வதக்கவும்.

    * அடுத்து அதில் தக்காளியை சேர்த்து குழைய வதக்கவும்.

    * அனைத்தும் நன்றாக வதங்கியதும் முட்டையை உடைத்து ஊற்றி நன்கு கிளறவேண்டும்.

    * முட்டை நன்றாக வதங்கியதும அதில் சால்னா அல்லது கிரேவி சேர்த்து ஒருசேர கிளறவும். தேவைக்கு உப்பும் சேர்த்துக்கொள்ளவும்.

    * சால்னா ஒருசேர சுருண்டதும் பிய்த்து வைத்துள்ள புரோட்டாவை சேர்த்து எல்லா இடங்களிலும் மசாலா சேரும் படி நன்றாக பிரட்டவும்.

    * அடுப்பை மிதமான தீயில் வைத்து 5 நிமிடம் நன்றாக கிளறவும்.

    * கடைசியாக கொத்தமல்லி தழை தூவி இறக்கவும்.

    * சுவையான சூப்பரான முட்டை கொத்து பரோட்டா ரெடி.

    * இதில் சிக்கன், மட்டன் சேர்த்தும் செய்யலாம்.

    - இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×