உருளைக்கிழங்கு ரைஸ் பால்ஸ்

தேவையான பொருட்கள் :

மீதமுள்ள வெள்ளை சாதம் - 2 கப்
நடுத்தர உருளைக்கிழங்கு - 200 கிராம்
வெங்காயத்தாள் - 1 சிறிய கொத்து (4-5 தண்டுகள்)
பூண்டு - 4 பல்
பச்சை மிளகாய் - 2
எலுமிச்சை சாறு - 3 தேக்கரண்டி
காய்ந்த ஆரிகனோ (Oregano) - 1 தேக்கரண்டி
கொரகொரப்பான பொடித்த மிளகு - 1 தேக்கரண்டி
உப்பு
எண்ணெய் - பொரிக்க



செய்முறை :

* உருளைக்கிழங்கை நன்றாக வேகவைத்து தோலை நீக்கி மசித்து கொள்ளவும்.

* வெங்காயம், ப.மிளகாய், வெங்காயத்தாள், பூண்டை பொடியாக நறுக்கி கொள்ளவும்.

* ஒரு பாத்திரத்தில் வடித்த சாதத்தை போட்டு நன்றாக மசித்து கொள்ளவும்.

* அதனுடன் மசித்த உருளைக்கிழங்கையும் போட்டு நன்றாக மசிக்கவும்,

* அடுத்து வெங்காயம், பூண்டு, ப.மிளகாய், எலுமிச்சை சாறு, மிளகு தூள், காய்ந்த ஆரிகனோ, உப்பு சேர்த்து நன்றாக பிசைத்து கொள்ளவும்.

* பிசைத்த கலவையை வேண்டிய வடிவில், வேண்டிய அளவில் உருட்டி வைக்கவும்.

* கடாயில் எண்ணெய் ஊற்றி சூடானதும் அதில் உருட்டி வைத்துள்ள உருண்டைகளை போட்டு பொன்னிறமாக பொரித்து எடுக்கவும்.

* சுவையான உருளைக்கிழங்கு ரைஸ் பால்ஸ் ரெடி.

* இதை தக்காளி சாஸ் உடன் பரிமாறவும்.

குறிப்பு  :

* காலையில் செய்த சாதம் மீந்து விட்டால் மாலையில் இவ்வாறு ஸ்நாக்ஸாக செய்து கொடுக்கலாம். மிகவும் சுவையாக இருக்கும்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.