சப்பாத்தி நூடுல்ஸ் ரோல் செய்வது எப்படி

தேவையான பொருட்கள்:

கோதுமை மாவு - ஒரு கப்,
நூடுல்ஸ் - ஒரு கப்,
குடை மிளகாய் - 1,
கேரட் - 1
வெங்காயம் - 1
பால் - 2 டீஸ்பூன்,
சீரகத்தூள் - கால் டீஸ்பூன்,
கரம் மசாலாத்தூள் - அரை டீஸ்பூன்,
தக்காளி சாஸ் - ஒரு டேபிள்ஸ்பூன்,
எண்ணெய், உப்பு - தேவையான அளவு.

செய்முறை:

* வெங்காயம், குடைமிளகாயை பொடியாக நறுக்கி கொள்ளவும்.

* கேரட்டை துருவிக் கொள்ளவும்.

* கோதுமை மாவில் பால், சீரகத்தூள், கரம் மசாலாத்தூள், உப்பு சேர்த்துப் சப்பாத்தி மாவு பதத்தில் பிசைந்து 30 ஊற வைக்கவும்.

* நூடுல்ஸை வேக வைத்து, குளிர்ந்த நீரில் நன்றாக அலசி வைக்கவும்.

* கடாயில் எண்ணெய் விட்டு சூடானதும், வெங்காயத்தை போட்டு சிறிது வதக்கிய பின்னர் கேரட், குடமிளகாயை சேர்த்து வதக்கவும்.

* அடுத்து அதில் தக்காளி சாஸ், சிறிது உப்பு சேர்த்து நன்றாக கிளறிய பின்னர் நூடுல்ஸ் சேர்த்து நன்றாக கலந்து வைக்கவும்.

* பிசைந்த கோதுமை மாவை சப்பாத்தியாக உருட்டி தோசை கல்லில் போட்டு இருபுறமும் வெந்ததும் நடுவில் நூடுல்ஸ் வைத்து சுருட்டி, தவாவில் எண்ணெய் விட்டு, சுருட்டிய சப்பாத்தியை போட்டு வேகவிட்டு எடுக்கவும்.

* பள்ளிக்கு செல்லும் குழந்தைகளுக்கு இவ்வாறு செய்து கொடுத்தால் மிகவும் விரும்பி சாப்பிடுவார்கள்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.