தேவையான பொருட்கள் : வஞ்சிர மீன் - 250 கிராம்
வெந்தயம் - 1 ஸ்பூன்
பச்சை மிளகாய் - 2
சின்னவெங்காயம் - 100 கிராம்
தக்காளி - 150 கிராம்
இஞ்சி, பூண்டு விழுது - 1 டேபிள்ஸ்பூன்
கடுகு - 1 டீஸ்பூன்
கறிவேப்பிலை - சிறிதளவு
மிளகாய்த்தூள் - 1 டீஸ்பூன்
புளி - பெரிய நெல்லிக்காய் அளவு
தண்ணீர் - தேவையான அளவு
உப்பு - தேவையான அளவு
குழம்பு மசாலா செய்ய : மல்லி (தனியா) - 2 டீஸ்பூன்
காய்ந்த மிளகாய் - 4 (குண்டு)
சீரகம் - அரை டீஸ்பூன்
சோம்பு - அரை டீஸ்பூன்
மிளகு - கால் டீஸ்பூன்
கறிவேப்பிலை - சிறிதளவு
நல்லெண்ணெய் - 1 டேபிள்ஸ்பூன்
செய்முறை : * சின்ன வெங்காயம், தக்காளி பொடியாக நறுக்கி கொள்ளவும்.
* ப.மிளகாயை நீளவாக்கில் நறுக்கிகொள்ளவும்.
* மீனை நன்றாக கழுவி வைக்கவும்.
* புளியை நன்றாக கரைத்து வடிகட்டி வைக்கவும்.
* கடாயை அடுப்பில் வைத்து நல்லெண்ணெய் ஊற்றி சூடானதும் குழம்பு மசாலா செய்ய கொடுக்கப்பட்டுள்ள பொருட்களை நன்றாக வறுத்து ஆற வைத்து மிக்சியில்போட்டு நைசாக அரைத்து கொள்ளவும்.
* மற்றொரு கடாயை அடுப்பில் வைத்து எண்ணெய் ஊற்றி சூடானதும் கடுகு, வெந்தயம், கறிவேப்பிலை போட்டு தாளித்த பின் வெங்காயம், ப.மிளகாயை போட்டு நன்றாக வதக்கவும்.
* வெங்காயம் நன்றாக வதங்கியதும் அடுத்து அதில் தக்காளியை போட்டு வதக்கவும்.
* தக்காளி நன்றாக மசிந்ததும் இஞ்சி, பூண்டு விழுது, அரைத்த மசாலா, மிளகாய் தூள் போட்டு பச்சை வாசனை போக வதக்கவும்.
* அடுத்து அதில் தேவையான அளவு தண்ணீர், உப்பு, புளி கரைசல் ஊற்றி பச்சை வாசனை போக கொதிக்க விடவும்.
* கடைசியாக மீனை போட்டு அடுப்பை குறைந்த தீயில் 15 நிமிடம் கொதிக்க வைத்து ஓரங்களில் எண்ணெய் பிரிந்து வரும் போது குழம்பை இறக்கி பரிமாறவும்.
* மீன் சேர்த்த பிறகு அதிக நேரம் கொதிக்க விட கூடாது. இதை தோசை, இட்லி, சப்பாத்தி, சாதத்துடன் சாப்பிட சுவையாக இருக்கும்.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
