குழந்தைகளுக்கான மாலை நேர ஸ்நாக்ஸ் ஆப்பிள் ரிங்ஸ்

தேவையான பொருட்கள்:

ஆப்பிள் - 5
மைதா - 1 கப்
சர்க்கரை - 3 டேபிள் ஸ்பூன்
பட்டைத் தூள் - 1/4 டீஸ்பூன்
பேக்கிங் சோடா - 1/4 டீஸ்பூன்
உப்பு - 1/4 டீஸ்பூன்
முட்டை - 2
மோர் - 1 கப்
எண்ணெய் - பொரிப்பதற்கு தேவையான அளவு
பொடித்த சர்க்கரை - 1/2 கப்
பட்டைத் தூள் - 2 டீஸ்பூன்

செய்முறை :

* ஆப்பிளை வட்ட துண்டுகளாக்கிக் கொள்ள வேண்டும். தோலை நீக்க வேண்டாம். பின்னர் அதன் நடுவே உள்ள பகுதியை நீக்கிவிட்டு, வளையங்களாக்கிக் கொண்டு, அதனை ஒரு டிஷ்யூ பேப்பரில் வைத்து, அதில் உள்ள அதிகப்படியான ஈரத்தன்மையை நீக்க வேண்டும்.

* ஒரு பௌலில் மைதா, பேக்கிங் சோடா, சர்க்கரை, 1/4 டீஸ்பூன் பட்டைத் தூள், உப்பு சேர்த்து கலந்து கொள்ளவும்.

* மற்றொரு பௌலில் முட்டையை உடைத்து ஊற்றி, நன்கு அடித்த பின் அதில் மோர் சேர்த்து நன்றாக கலந்து மைதா கலவையில் ஊற்றி நன்றாக கலந்து பேஸ்ட் போல் செய்து கொள்ளவும்.

* ஒரு பாத்திரத்தில் பொடித்த சர்க்கரை மற்றும் பட்டைத் தூளை சேர்த்து கலந்து வைக்கவும்.

* ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

* எண்ணெய் சூடானதும், ஆப்பிள் துண்டுகளை கலந்து வைத்துள்ள மாவு பேஸ்டில் பிரட்டி எண்ணெயில் போட்டு பொன்னிறமாக பொரித்து எடுக்கவும்.

* பொரித்த ஆப்பிள் துண்டுகளை சர்க்கரை, பட்டைத் தூள் கலவையில் பிரட்டி எடுத்தால், ஆப்பிள் ரிங்ஸ் ரெடி!!!

* இப்போது குழந்தைகளுக்கு மாலை நேர ஸ்நாக்ஸ் ரெடி.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.