தேவையான பொருட்கள் : ஸ்ட்ராபெர்ரி பழம் - ஒரு கப் (இலையுடன் உள்ளது),
சாக்லேட் - ஒரு கப்,
வெண்ணெய் - ஒரு டீஸ்பூன்.
செய்முறை: * ஸ்ட்ராபெர்ரி பழத்தை நன்கு கழுவி துணியில் துடைத்துக் கொள்ளவும்.
* சாக்லேட்டை துண்டுகளாக உடைத்து ஒரு பாத்திரத்தில் போட்டு கொள்ளவும்.
* அடுப்பில் அடிகனமான அகலமான பாத்திரத்தில் சிறிது தண்ணீர் ஊற்றி கொதிக்க வைக்கவும். தண்ணீர் நன்றாக கொதிக்க ஆரம்பித்தவுடன் அடுப்பை மிதமான தீயில் வைத்து கொதிக்கும் நீரின் மேல் சாக்லேட் துண்டுகள் போட்டுள்ள பாத்திரத்தை வைத்து கரண்டியால் நன்றாக கிளறவும். கைவிடாமல் கிளற வேண்டும். (அடுப்பில் நேராக வைத்து சாக்லேட்டை கிளற கூடாது)
* சாக்லேட் நன்றாக உருகியதும் அதில் வெண்ணெயை சேர்த்து நன்றாக கலந்து அடுப்பில் இருந்து இறக்கவும்.
* ஒரு ஸ்ட்ராபெர்ரி பழத்தை எடுத்து உருகிய சாக்லேட் கலவையில் நன்கு ’டிப்’ செய்து (மூழ்கவைத்து), எடுக்கவும்.
* இவ்வாறு அனைத்தையும் செய்யவும்.
* சாக்லேட்டில் டிப் செய்த ஸ்ட்ராபெர்ரி பழத்தை 20 நிமிடம் ஃப்ரிட்ஜில் வைத்து சாப்பிடவும்.
* குழந்தைகளுக்கு மிகவும் விருப்பமான சாக்லேட் டிப்டு ஸ்ட்ராபெர்ரி ரெடி.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
