தேவையான பொருட்கள் : கடலை மாவு - அரை கப்,
மிளகாய்த்தூள் - 2 டேபிள்ஸ்பூன்,
பெருங்காயத்தூள் - ஒரு சிட்டிகை,
அரிசி மாவு - 2 டேபிள்ஸ்பூன்,
உப்பு - தேவைக்கேற்ப,
எண்ணெய் - பொரிப்பதற்கு தேவையான அளவு.
பெருஞ்சீரகம் - சிறிதளவு
மசாலா செய்வதற்கு : உருளைக்கிழங்கு - 150 கிராம்,
கேரட் - 1,
உப்பு - தேவைக்கேற்ப,
பெரிய - வெங்காயம்,
பச்சை மிளகாய் - தலா 2,
மஞ்சள்தூள் - ஒரு சிட்டிகை,
கறிவேப்பிலை, கொத்தமல்லி - சிறிதளவு
எண்ணெய் - 2 டேபிள்ஸ்பூன்.
செய்முறை: * உருளைக்கிழங்குடன் உப்பு, மஞ்சள்தூள் சேர்த்து வேக வைத்து ஒன்றும் பாதியாக மசித்து வைக்கவும்.
* கேரட்டை துருவிக்கொள்ளவும்.
* வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.
* கடாயை அடுப்பில் வைத்து எண்ணெய் ஊற்றி சூடானதும் பெருஞ்சீரகம், கறிவேப்பிலை போட்டு தாளித்த பின் நறுக்கிய வெங்காயம், பச்சை மிளகாய் சேர்த்து வதக்கிய பின் கேரட் துருவல் சேர்த்துக் கிளறி, மசித்த உருளைக்கிழங்கு, உப்பு சேர்த்து வதக்கவும்.
* கடைசியாக கொத்தமல்லி சேர்த்து, ஆறியதும் பெரிய நெல்லிக்காய் அளவு உருண்டைகளாக உருட்டி வைக்கவும்.
* கடலை மாவு, அரிசி மாவு, உப்பு, மிளகாய்த்தூள், பெருங்காயத்தூள், உப்பு சேர்த்து நீர்விட்டு கெட்டியாகக் பஜ்ஜி மாவு பதத்தில் கரைத்து கொள்ளவும்.
* மற்றொரு கடாயை அடுப்பில் வைத்து எண்ணெய் ஊற்றி நன்றாக சூடனாதும் செய்து வைத்த உருண்டைகளை, இந்தக் மாவில் தோய்த்து காயும் எண்ணெயில் போட்டு பொரித்தெடுக்கவும்.
* சுவையான உருளைக்கிழங்கு மசாலா போண்டா ரெடி.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
