ஆரோக்கியமான கொள்ளுபயறு முருக்கு

பாட்டிகளுக்கே தெரியாத ஒரு சூப்பரான முறுக்கு ரெசிப்பியைத் தான் இன்று நாம் பார்க்க போகின்றோம். கொள்ளு வைத்து மொருமொரு முறுக்கு. இதை செய்து வைத்து விட்டால் ஈவினிங் ஸ்நாக்ஸ் பிரச்சினை ஒரு வாரத்துக்கு இருக்காது. குழந்தைகள் முதல் பெரியவர்கள் வரை இதை விருப்பமாக சாப்பிடுவார்கள். உடலுக்கு ஆரோக்கியம் தரும் இந்த கொள்ளுப்பயறு முறுக்கை சுலபமாக செய்வது எப்படி என்பதை தான் இந்த பதிவில் பார்க்கபோகிறோம்.

தேவையான பொருட்கள்:

கடலை மாவு 2 கப்

பச்சரிசி மாவு - 1 கப்

கொள்ளு பயிறு (வேகவைத்து விழுதாக அரைக்கவும்) - 4 கப்

கருப்பு எள் - 1 டேபிள் ஸ்பூன்

பெருங்காயப்பொடி 4 டீஸ்பூன்

உப்பு - தேவையான அளவு

எண்ணெய் - தேவையான அளவு

செய்முறை:

கடலைமாவு, பச்சரிசி மாவு, வேகவைத்து மசிக்கப்பட்ட கொள்ளு மற்றும் கருப்பு எள், பெருங்காத்தூள், உப்பு சேர்த்து சப்பாத்தி மாவு பதத்துக்கு மென்மையாக பிசைந்துகொள்ளவும். வாணலியில் எண்ணெய் ஊற்றி நன்றாக சூடுபடுத்தவும். பின்பு கலந்து வைத்திருக்கும் மாவை முறுக்குகளாகப் பிழிந்து எண்ணெய்யில் போட்டு பொரித்து எடுக்கவும்.