சுவையான சத்தான மொச்சை சுண்டல்

தேவையான பொருட்கள்

மொச்சை - ஒரு கப் (ஊறவைத்து, அரை உப்பு போட்டு வேகவைத்தது)
மஞ்சள் தூள் - கால் டீஸ்பூன்
உப்பு - தேவைகேற்ப
தேங்காய் துருவல் - இரண்டு டீஸ்பூன்
எலுமிச்சை பழம் சாறு - அரை டீஸ்பூன்

பொடி செய்ய :

புதினா - ஒரு கைப் பிடி
ஓமம் - ஒரு டீஸ்பூன்
காய்ந்த மிளகாய் - இரண்டு

தாளிக்க :

எண்ணெய் - ஒரு டீஸ்பூன்
கடுகு - அரை டீஸ்பூன்
காய்ந்த மிளகாய் - ஒன்று
கறிவேப்பில்லை - சிறிதளவு

செய்முறை :

* கடாயில் ஓமம் மற்றும் காய்ந்த மிளகாய் சேர்த்து லேசாக வறுத்த பின், புதினா சேர்த்து லேசாக வதக்கி பொடி செய்து கொள்ளவும்.

* கடாயில் எண்ணெய் ஊற்றி காய்ந்ததும் கடுகு, காய்ந்த மிளகாய், கறிவேப்பில்லை போட்டு தாளித்த பின் வேகவைத்த மொச்சை, மஞ்சள் தூள், உப்பு, தேங்காய் துருவல் போட்டு மூன்று நிமிடம் கிளறவும்.

* கடைசியாக வறுத்து அரைத்த பொடி சேர்த்து கிளறி இரண்டு நிமிடம் கழித்து எலுமிச்சை சாறு சேர்த்து கிளறி இறக்கவும்.

* சுவையான சத்தான மொச்சை சுண்டல் ரெடி.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.