flax seed என்றால் ஆளி விதை அல்லது சணல் விதையென்று சொல்லலாம். ஆளி விதையில் அடங்கியுள்ள சத்துக்கள் புரதம், கால்சியம், இரும்பு, நார்ச்சத்து. ஆளி விதையை வறுத்து தான் சாப்பிட வேண்டும்.
நாள் ஒன்றுக்கு 1 முதல் 2 டேபிள் ஸ்பூன் சாப்பிடலாம். இதில் உள்ள ‘ஒமேகா-3’ என்கிற முக்கிய கொழுப்புச்சத்து, ரத்தக் குழாய்களில் மற்ற கொழுப்புகள் படியாமலிருக்கச் செய்யும். அதனால் மாரடைப்பு வராமலிருக்க உதவும்.
தேவையான பொருட்கள் : ஆளி விதை - 30 கிராம்
கறிவேப்பிலை - 10 கிராம்
உளுத்தம் பருப்பு - 15 கிராம்
வேர்க்கடலை - 15 கிராம்
காய்ந்த மிளகாய் - 3
உப்பு - தேவைக்கேற்றவாறு
பெருங்காயம் - சிறிது
தாளிக்க : எண்ணெய் - 1 டீஸ்பூன்
கடுகு - 1/2 டீஸ்பூன்
உளுத்தம் பருப்பு - 1 டீஸ்பூன்
கறிவேப்பிலை - கொஞ்சம்
பெருங்காயத்தூள் - சிறிதளவு
செய்முறை : * வாணலியில் சிறிது எண்ணெய் ஊற்றி அதில் கறிவேப்பிலை, ஆளி விதை, உளுத்தம் பருப்பு, மிளகாய், வேர்க்கடலை, ஆகியவற்றை தனித்தனியாக போட்டு வறுத்துக் கொள்ளவும்.
* ஆறியபின் உப்பு, சிறிது தண்ணீர் சேர்த்து மிக்சியில் நன்றாக அரைத்து எடுக்கவும்.
* கடாயில் எண்ணெய் ஊற்றி சூடானதும் கடுகு, உளுத்தம் பருப்பு, கறிவேப்பிலை, பெருங்காயத்தூள் சேர்த்து தாளித்துக் அரைத்த சட்னியில் கொட்டவும்.
* சத்தான ஆளி விதை - வேர்க்கடலை சட்னி ரெடி.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
