தேவையான பொருட்கள் : ஜவ்வரிசி - 1 கப்
புழுங்கல் அரிசி - 1 கப்
பச்சை மிளகாய் - 5
இஞ்சி - சிறிய துண்டு
வெங்காயம் - 1
கறிவேப்பிலை - 1 கொத்து
உப்பு, எண்ணெய் - தேவையான அளவு
செய்முறை : * வெங்காயம், ப.மிளகாய், இஞ்சியை பொடியாக நறுக்கி கொள்ளவும்.
* ஜவ்வரிசியை கழுவி, தண்ணீரை நன்கு வடிகட்டி 2 மணி நேரம் ஊறவைக்கவும். அவ்வப்போது இதை கிளறி விட்டால் தான் முழுமையாக ஊறும்.
* புழுங்கல் அரிசியை நன்றாக கழுவி 2 மணி நேரம் ஊறவைத்து அரைக்கவும். அரிசி நன்கு அரைப்பட்டவுடன் ஜவ்வரிசியையும் சேர்த்து அரைக்கவும்.
* உப்பு சேர்த்து மாவை 2 மணி நேரம் புளிக்க விடவும்.
* கடாயில் எண்ணெய் விட்டு நறுக்கிய வெங்காயம், பச்சை மிளகாய், இஞ்சி, கறிவேப்பிலை சேர்த்து வதக்கி மாவில் கொட்டி நன்றாக கலக்கவும்.
* தோசைக்கல்லை அடுப்பில் வைத்து சூடானதும் மாவை மெல்லிய தோசைகளாக வார்த்து வெந்தவுடன் எடுத்து பரிமாறவும்.
* புதினா சட்னியுடன் சாப்பிட்டால் டேஸ்ட் கூடுதலாக இருக்கும்.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
