தேவையான பொருட்கள் : சிறுகீரை - 1 கட்டு,
ப.மிளகாய் - 4
உப்பு - தேவைக்கேற்ப,
மஞ்சள் தூள், - 1/4 டீஸ்பூன்,
பட்டை - லவங்கம் - 2,
வெங்காயம் - 2
தக்காளி - 1
இஞ்சி, பூண்டு - 2 டீஸ்பூன்,
அரிசி - 11/2 ஆழாக்கு,
எலுமிச்சை சாறு - 2 ஸ்பூன்
எண்ணெய் - 2 டீஸ்பூன்,
செய்முறை : * தக்காளி, வெங்காயத்தை பொடியாக நறுக்கி கொள்ளவும்.
* ப.மிளகாயை நீளவாக்கில் நறுக்கி கொள்ளவும்.
* குக்கரில் எண்ணெய் சூடேற்றி, பட்டை, லவங்கம் போட்டு தாளித்த பின் வெங்காயம் போட்டு நன்றாக வதக்கவும்.
* வெங்காயம் நன்றாக வதங்கியதும் தக்காளி, ப.மிளகாயை போட்டு வதக்கவும்.
* அடுத்து அதில் கீரை சேர்த்து வதக்கி பின் உப்பு, மஞ்சள் சேர்த்து வதக்கி இஞ்சி பூண்டு சேர்த்து பச்சை வாசனை போகும் வரை வதக்கவும்.
* அடுத்து அதில் அரிசியை போட்டு 3 கப் தண்ணீர் விட்டு குக்கரில் 3 விசில் வரும் வரை வேக விட்டு இறக்கவும்.
* விசில் போனதும் குக்கர் மூடியை திறந்து எலுமிச்சை சாறு சேர்த்து பரிமாறவும்.
* சுவையான சத்தான கீரை புலாவ் ரெடி.
* எந்த கீரையிலும் இந்த புலாவை செய்யலாம். சுவையாக இருக்கும்.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
