பச்சைப்பயறு துவையல் செய்முறை விளக்கம்

தேவையான பொருட்கள் :

பச்சைப்பயறு - அரை கப்,
பூண்டு - ஒரு பல்,
இஞ்சி - சிறிய துண்டு (சுத்தம் செய்து கொள்ளவும்),
தேங்காய் துருவல் - 3 டேபிள்ஸ்பூன்,
காய்ந்த மிளகாய் - 5,
புளி - கோலி அளவு,
எண்ணெய் - ஒரு டீஸ்பூன்,
உப்பு - தேவைக்கேற்ப.

செய்முறை:

* வெறும் வாணலியை சூடாக்கி, பச்சைப்பயறை நன்கு வாசம் வரும் வரை வறுத்து ஆற வைக்கவும்.

* பூண்டு, இஞ்சி, தேங்காய் துருவல், காய்ந்த மிளகாய், புளி ஆகியவற்றை எண்ணெய் விட்டு தனியே வறுத்து ஆற வைக்கவும்.

* அனைத்தும் ஆறியபின், மிக்சியில் பச்சைப்பயறு, பூண்டு, இஞ்சி, தேங்காய் துருவல், காய்ந்த மிளகாய், புளி, உப்பு சேர்த்து, சிறிதளவு தண்ணீர் விட்டு கெட்டியாக அரைக்கவும்.

* சுவையான சத்தான பச்சைப்பயறு துவையல் ரெடி.

* இதை இட்லி, தோசை, சப்பாத்திக்கு தொட்டு கொள்ள சுவையாக இருக்கும்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.