search icon
என் மலர்tooltip icon

    லைஃப்ஸ்டைல்

    கறிவேப்பிலை குழம்பு செய்முறை விளக்கம்
    X

    கறிவேப்பிலை குழம்பு செய்முறை விளக்கம்

    சுவையான சத்தான கறிவேப்பிலைக் குழம்பு செய்வது எப்படி என்று பார்க்கலாம்.
    தேவையான பொருள்கள் :

    கறிவேப்பிலை - 1 கப்
    மிளகு - 1 தேக்கரண்டி
    மணத்தக்காளி வற்றல் - 2 தேக்கரண்டி
    உளுத்தம் பருப்பு - 2 தேக்கரண்டி
    கடலைபருப்பு - 2 தேக்கரண்டி
    சாம்பார் பொடி - 1 தேக்கரண்டி
    மஞ்சள்பொடி - தேவையான அளவு
    புளி - பெரிய எலுமிச்சம்பழம் அளவு
    உப்பு - தேவையான அளவு
    நல்லெண்ணெய் - 1 மேசைக்கரண்டி
    கடுகு, கறிவேப்பிலை - தாளிக்க
     
    செய்முறை :

    * புளியைக் கரைத்து வடிகட்டிக் கொள்ளவும்.

    * மிளகு, உளூத்தம்பருப்பு, கறிவேப்பிலை, கடலைப்பருப்பை சிறிது எண்ணெய்யில் வறுத்து ஆற வைத்து மிக்சியில் போட்டு நைசாக அரைத்துக் கொள்ளவும்.

    * ஒரு பாத்திரத்தில் புளி கரைசலுடன் அரைத்த விழுது, மஞ்சள் தேவையான தண்ணீர் சேர்த்து கலந்து வைக்கவும்.

    * கடாயை அடுப்பில் வைத்து எண்ணெய் ஊற்றி சூடானதும் கடுகு, கறிவேப்பிலை, மணத்தக்காளி வற்றலை போட்டு தாளித்த பின் கரைத்து வைத்துள்ள புளிக்கரைசலை சேர்த்து நன்றாகக் கொதிக்க வைக்கவும்.

    * குழம்பு நன்றாக கொதித்து எண்ணெய் ஓரங்களில் வந்து பக்குவம் வந்ததும் இறக்கி பரிமாறவும்.

    * மணத்தக்காளிக்குப் பதில் சுண்டைக்காய் வற்றலும் போடலாம்.

    - இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
    Next Story
    ×