முருங்கைக்கீரை தோசை செய்வது எப்படி

தேவையான பொருட்கள் :

முருங்கைக்கீரை - 1 கப்
தோசை மாவு - தேவையான அளவு
எண்ணெய் - 4 ஸ்பூன்
வெங்காயம் - 1
பச்சை மிளகாய் - 2
உப்பு - தேவையான அளவு

செய்முறை :

* வெங்காயம், ப.மிளகாயை பொடியாக நறுக்கி கொள்ளவும்.

* முருங்கைக்கீரையை நன்றாக சுத்தம் செய்து கழுவி வைக்கவும்.

* ஒரு வாணலியை அடுப்பில் வைத்து எண்ணெய் ஊற்றி, சூடானதும் அதில் வெங்காயம், ப.மிளகாயை போட்டு நன்றாக வதக்கிய பின்னர் முருங்கைக்கீரையை போட்டு வதக்க வேண்டும்.

* அடுத்து அதில் தேவையான அளவு உப்பும் சேர்த்து நன்கு வதக்கி இறக்கி, தோசை மாவில் சேர்த்து நன்கு கலந்து கொள்ள வேண்டும்.

* தோசைக் கல்லை அடுப்பில் வைத்து சூடானதும், அதில் தோசை மாவை கொண்டு தோசைகளாக ஊற்றி வெந்ததும் திருப்பி போட்டு எடுத்தால், முருங்கைக்கீரை தோசை ரெடி!!!