ஆஸ்துமா ஒன்றும் வெல்ல முடியாத பிரச்சனை அல்ல. கொஞ்சமே கொஞ்சம் விழிப்புணர்வாய் இருந்தால் இனிமையானதாய் மாற்றிவிட முடியும் என்பதே உண்மை. இதோ ஆஸ்துமாக்காரகளுக்கு ஏற்ற ஆரோக்கியமான உணவுகளை பார்க்கலாம்.
* பூண்டும் இஞ்சியும் அற்புதமான ஆண்டிபயாடிக். பனிக்காலத்தில் அவை ஆஸ்துமாவுக்கு எதிராக அவை மிகச் சிறப்பாகப் பணியாற்றும். இவை இரண்டும் மிகச்சிறந்த ஆண்டி இன்ஃபளமேட்டரியாகவும் செயல்படக்கூடியவை.
* சூரிய ஒளியால் கிடைக்கும் விட்டமின் டி ஆஸ்துமாவை குறைக்கக் கூடியது. விட்டமின் சி மூச்சுக் குழாயில் ஏற்படும் அலற்சிகளை குறைக்கிறது. இதனால் மூச்சுத் திணறலையும் தடுக்கிறது.
* அதிமதுரம் இந்தியாவின் பாரம்பரிய மருத்துவமுறைகளில் மிக முக்கியமான இடம் வகிப்பது. இந்தியா மட்டும் இல்லாமல் சீன மருத்துவத்திலும் ஆஸ்துமாவுக்கு எதிரான மிகச்சிறந்த மருந்தாக அதிமதுரம் கருதப்படுகிறது. நுரையீரலின் நுண் துளைகளிலும் மூச்சுக் குழாயிலும் மிகச் சிறப்பாகச் செயல்பட்டு ஆஸ்துமா பிரச்சனையை கட்டுப்பாட்டில் வைத்திருப்பதில் அதிமதுரம் மிகச் சிறந்தது.
* உடலில் மக்னீசியம் குறைவாக உள்ளவர்கள் ஆஸ்துமாவால் அவதிப்பட நேர்கிறது என பல ஆய்வுகள் சொல்கின்றன. குறிப்பாக, குழந்தைகளுக்கு இந்தப் பிரச்சனை அதிகம் என்கிறார்கள். நமது மூச்சு மண்டலத்தின் வழிப்பாதையை சீராக்குவதில் மக்னீசியத்துக்கு முக்கியப் பங்கு உள்ளது. எனவே, மக்னீசியம் அதிகமாக உள்ள மஞ்சள் வண்ண காய்கறிகள், பழங்கள் ஆகியவற்றைப் போதுமான அளவு எடுத்துக்கொள்வது நல்லது.
ஆஸ்துமாவுக்கு உண்ண வேண்டிய உணவுகளைப் போலவே, உண்ணக் கூடாத உணவுகளும் உள்ளன. பனிக்காலத்தில் மட்டுமாவது அவற்றைத் தவிர்ப்பதன் மூலம் ஆஸ்துமாவின் கடுமையை ஆரோக்கியமாக எதிர்கொள்ளலாம்.
* பால் பொருட்கள் இயல்பாகவே நெஞ்சில் கபத்தை உருவாக்கும் ம்யூக்கஸ் எனும் திரவத்தைப் பெருக்கும் இயல்புடையவை. அளவுக்கு அதிகமாக இவற்றைப் பனிக்காலத்தில் எடுத்துக்கொள்ளும்போது சளி, நெஞ்சடைப்பு, மூக்கடைப்பு, மூச்சுத்திணறல் ஆகிய பிரச்சனைகள் உருவாகின்றன. எனவே, பால் பொருட்களிடம் கவனமாக இருங்கள்.
* ஜங்க் ஃபுட்ஸ் எனப்படும் நொறுக்குத் தீனிகள் எல்லாவகையில் உடலுக்குத் தீங்கானவையே. குறிப்பாக ஆஸ்துமாக்காரர்கள் பனிக் காலங்களில் இவற்றிடம் இருந்து விலகி இருப்பதே நல்லது. இவற்றில் சுத்திகரிக்கப்பட்ட கார்போஹைட்ரேட் எனும் மாவுச் சத்து நிறைந்திருப்பதால் இவை மூச்சுக்குழாயின் நுண் துளைகளை மிக மோசமாகப் பாதிக்கின்றன. எனவே, ரொட்டி, பாஸ்தா, மிட்டாய்கள், பரோட்ட உள்ளிட்ட மைதா உணவுகள் ஆகியவற்றை பனிக் காலங்களில் தவிர்ப்பதே நல்லது.
