உஜ்ஜயினி மாகாளி அம்மன் கோவிலில் ஆடி செவ்வாய் சிறப்பு வழிபாடு

கோட்டார் வீரசைவ சமுதாய உஜ்ஜயினி மாகாளி அம்மன் கோவிலில் ஆடிமாத 3-வது செவ்வாய் சிறப்பு வழிபாடு வருகிற 3-ந்தேதி நடக்கிறது.

இதையொட்டி அன்று அதிகாலை 5.30 மணிக்கு கணபதி ஹோமம், காலை 8 மணிக்கு நாதஸ்வர இசை, 10 மணிக்கு சித்தி விநாயகர், உஜ்ஜயினி மாகாளி, சுடலைமாடன் மற்றும் பரிவார தெய்வங்களுக்கு சிறப்பு அபிஷேகம், 12 மணிக்கு பொங்கல் வழிபாடு, மதியம் 1 மணிக்கு சிறப்பு அலங்கார தீபாராதனை, மாலை 6.30 மணிக்கு அலங்கார தீபாராதனை, இரவு 7.30 மணிக்கு அன்னபடைப்பு, தீபாராதனை, 8.30 மணிக்கு பிரசாதம் வழங்குதல் ஆகியவை நடக்கிறது.

இதற்கான ஏற்பாடுகளை கோட்டார் வீரசைவ சமுதாய முன்னேற்ற கமிட்டியினர் செய்து வருகிறார்கள்.