நெகமம்-தளி ரோட்டில் பிரசித்தி பெற்ற வீரமாச்சியம்மன் கோவில் உள்ளது. இந்த கோவிலின் திருவிழா வருகிற 31-ந் தேதி நடைபெற உள்ளது. இதையொட்டி நாளை மறுநாள் (26-ந் தேதி) காலை 10 மணிக்கு நெகமத்தில் இருந்து திருமூர்த்தி மலைக்கு தீர்த்தம் எடுக்க புறப்படுதல், 29-ந் தேதி மாலை 3 மணிக்கு கப்பளாங்கரையில் உள்ள தீர்த்தக்கிணற்றிற்கு தீர்த்தம் எடுக்க செல்லுதல், இரவு 10 மணிக்கு சக்தி அழைத்தல், பூஜை வழிபாடு, 30-ந் தேதி காலை 6 மணிக்கு பூஜை வழிபாடு, சுறாமீன் சிக்காட்டம், இரவு 8 மணிக்கு நாதஸ்வர இசை நிகழ்ச்சி நடக்கிறது.
31-ந் தேதி அதிகாலை 4.30 மணிக்கு திருக்கல்யாணம், 9 மணிக்கு மாவிளக்கு, மாலை 4 மணிக்கு பூவோடு எடுத்து வருதல், இரவு 11 மணிக்கு கும்பம் கங்கையில் விடுதல் நடைபெறுகிறது. ஏப்ரல் 1-ந் தேதி திருவீதி உலா, மஞ்சள் நீராடுதல், 2-ந் தேதி மாலை 4.30 மணிக்கு அபிஷேகம், அலங்கார பூஜை, பிரசாதம் வழங்குதல் நடக்கிறது. திருவிழா நாட்களில் இரவு சிறப்பு பூஜை முடிந்தவுடன் அன்னதானம் நடைபெறும். விழாவிற்கான ஏற்பாடுகளை விழா கமிட்டி, மற்றும் ஊர் பொதுமக்கள், இளைஞரணி ஆகியோர் செய்து வருகின்றனர்.
