ஆரோக்கிய அன்னை ஆலய திருவிழா தொடங்கியது

அழகப்பபுரம் அருகே பொட்டல்குளம் புனித ஆரோக்கிய அன்னை ஆலய திருவிழா தொடங்கியது. விழாவின் முதல் நாளில் கொடியேற்றம், திருப்பலி, மறையுரை போன்றவை நடந்தன. தொடர்ந்து வருகிற திருவிழா நாட்களில் மாலையில் ஜெபமாலை, திருப்பலி போன்றவை நடைபெறும்.

வருகிற 24-ந் தேதி (சனிக்கிழமை) காலை 6.15 மணிக்கு திருப்பலி, மாலை 6.15 மணிக்கு அன்னையின் தேர் பவனி, தொடர்ந்து அணைக்கரை பங்குத்தந்தை ஜோசப் ஸ்டாலின் தலைமையில் திருவிழா மாலை ஆராதனையும், திருவிழாவின் இறுதி நாளான 25-ந் தேதி (ஞாயிற்றுக்கிழமை) காலை 6.30 மணிக்கு கருங்குளம் அருட்பணியாளர் போஸ் தலைமையில் திருவிழா சிறப்பு திருப்பலியும், மாலை 6 மணிக்கு பொது அசன விருந்தும் நடைபெறும்.

இதற்கான ஏற்பாடுகளை பங்குத்தந்தை நெல்சன் பால்ராஜ், உதவி பங்குத்தந்தை ஜெய ஆன்றோ சர்ச்சில் மற்றும் நிர்வாகக்குழுவினர் செய்துள்ளனர்.