பெங்களூரு புனித ஆரோக்கிய அன்னை ஆலய 21-ம் ஆண்டு திருவிழா இன்று தொடங்குகிறது

பெங்களூரு எச்.ஏ.எல். சுதாமநகரில் புனித ஆரோக்கிய அன்னை ஜெப ஆலயம் உள்ளது. இந்த ஆலயத்தின் 21-ம் ஆண்டு திருவிழா இன்று (வெள்ளிக்கிழமை) மாலை 5 மணிக்கு ஜெபமாலை, திருப்பலி மற்றும் கொடியேற்றத்துடன் தொடங்குகிறது.

அதன் பிறகு திவ்ய நற்கருணை ஆசீர்வாதம் நடக்கிறது. நாளை (சனிக்கிழமை) மாலை 5.30 மணிக்கு திருப்பலியும், புனித தோமையர் ஆலயத்தில் இருந்து அன்னையின் தேர் அலங்கரிக்கப்பட்டு ஊர்வலமும் நடக்கிறது. நாளை மறுநாள் (ஞாயிற்றுக்கிழமை) காலை 8 மணிக்கு திருப்பலியும், காலை 11 மணிக்கு அன்னதானமும் நடக்கிறது.

இதற்கான ஏற்பாடுகளை ஆலய பங்கு தந்தை ராஜரத்தினம் மற்றும் ஆலய கமிட்டியினர் செய்து வருகிறார்கள்.