மதுரை வேளாங்கண்ணி அன்னை ஆலய திருவிழா கொடியேற்றத்துடன் தொடக்கம்

மதுரை அண்ணாநகரில் உள்ள வேளாங்கண்ணி அன்னை ஆலய திருவிழா நேற்று கொடியேற்றத்துடன் தொடங்கியது. மதுரை உயர்மறை மாவட்ட ஆர்.சி. பள்ளிகளின் கண்காணிப்பாளர் அப்போலின் கிளாரட்ராஜ் கொடியேற்றினார். விழாவில் வருகிற 7-ந்தேதி வரை தினமும் மாலை 6½ மணிக்கு அன்னையின் சிறிய தேர்பவனி நடைபெறுகிறது. மேலும் 8-ந்தேதி காலை 7½ மணிக்கு சிறப்பு திருப்பலி நடைபெறும்.

மாலை 6½ மணிக்கு சிவகங்கை மறை மாவட்ட ஆயர் சூசைமாணிக்கம் தலைமையில் கூட்டு திருப்பலி நடைபெறும். பின்னர் அண்ணாநகர் முக்கிய வீதிகளில் அன்னையின் திரு உருவ சப்பர பவனி நடைபெறும். 9-ந்தேதி காலை கொடியிறக்கம் நடைபெறும். விழா ஏற்பாடுகளை பங்குத்தந்தை லூயிஸ், உதவி பங்குத் தந்தை பீட்டர் மற்றும் பங்கு பேரவையினர் செய்துள்ளனர்.