உலகக் கோப்பை இறுதிப் போட்டியை காண வரும் பிரதமர் மோடி?

உலகக் கோப்பை 2023 கிரிக்கெட் தொடரின் இறுதிப் போட்டி நவம்பர் 19-ம் தேதி குஜராத் மாநிலத்தில் உள்ள நரேந்திர மோடி கிரிக்கெட் மைதானத்தில் நடைபெற இருக்கிறது. இறுதிப் போட்டிக்கு இந்திய அணி ஏற்கனவே தகுதி பெற்றுவிட்டது.

இறுதிப் போட்டியில் இந்திய அணியுடன் யார் மோதுவார்கள் என்பதை தேர்வு செய்வதற்கான 2-வது அரையிறுதி போட்டி கொல்கத்தாவில் நடைபெற்று வருகிறது. ஆஸ்திரேலியா மற்றும் தென் ஆப்பிரிக்கா அணிகள் மோதும் இந்த போட்டியில் வெற்றி பெறும் அணி இறுதிப் போட்டியில் இந்தியாவை எதிர்கொண்டு விளையாட இருக்கிறது.

இந்த நிலையில், 2023 கிரிக்கெட் உலகக் கோப்பை தொடரின் இறுதிப் போட்டியை காண இந்திய பிரதமர் நரேந்திர மோடி வரவிருப்பதாக தகவல்கள் வெளியாகி உள்ளன. எனினும், இது தொடர்பாக அதிகாரப்பூர்வ அறிவிப்பு இதுவரை வெளியிடப்படவில்லை.