பாக்ஸர்

அருண் விஜய் நடிப்பில் உருவாகி வரும் படம் ‘பாக்ஸர்’. இந்த படத்தில் அவருக்கு ஜோடியாக ரித்திகா சிங் நடிக்கிறார். விவேக் என்பவர் இந்த படத்தை இயக்குகிறார். இந்த படத்திற்காக சூர்யாவின் ‘ஏழாம் அறிவு’ படத்தில் வில்லனாக நடித்த ஜானியிடம் அருண் விஜய் பாக்சிங் பயிற்சி எடுத்து நடித்துள்ளார்.

அருண் விஜய் பாக்ஸராக நடிக்கும் இந்த படத்திற்கு டி.இமான் இசையமைத்துள்ளார். மார்குஸ் ஒளிப்பதிவு பணிகளை கவனிக்கிறார். மதன் படத்தொகுப்பையும், பாலச்சந்தர் கலை பணியையும் மேற்கொள்கின்றனர். எலெக்ட்ரா என்டர்டெயின்மெண்ட் சார்பில் வி.மதியழகன் இப்படத்தை தயாரித்துள்ளார்.