நடிச்சா ஹீரோயின் தான் - நடிகையின் முடிவு

குறுகிய காலத்தில் முன்னணி நடிகர்களுக்கு ஜோடியாக நடித்து நட்சத்திர அந்தஸ்தை பெற்ற மூன்றெழுத்து நடிகை ஒருவர், திருமணத்துக்கு பின் சினிமாவிற்கு முழுக்கு போட்டார். தற்போது அவருக்கு மீண்டும் சினிமாவில் நடிக்க ஆர்வம் வந்திருக்கிறதாம். இதையறிந்த சில பட அதிபர்கள் அந்த நடிகையை சந்தித்து பேசியிருக்கிறார்கள்.

அப்போது அவர்களிடம், அந்த நடிகை சில நிபந்தனைகளை விதித்தாராம். ‘‘இனிமேலும் நான் கதாநாயகியாகத்தான் நடிப்பேன். அக்காள், அண்ணி, அம்மா வேடங்களில் நடிக்க மாட்டேன்...’’ என்பது தான் அந்த நிபந்தனைகளாம். அந்த நடிகையின் நிபந்தனைக்கு ஏற்றபடி கதைகளை தேர்ந்தெடுத்து வருகிறார்களாம்.