பலவீன இதயம் மற்றும் குழந்தைகளுக்கான படம் இது இல்லை - HIT 3 டிரெய்லர் நாளை ரிலீஸ்

தெலுங்கு திரையுலகில் முன்னணி நடிகராக வலம் வருபவர் நானி. கடைசியாக இவர் நடிப்பில் வெளியான படம் 'சூர்யாவின் சனிக்கிழமை' படம் வசூல் மற்றும் விமர்சன ரீதியாக நல்ல வரவேற்பை பெற்றது.

இதைத் தொடர்ந்து 'ஹிட் 3 படத்தில் நானி நடித்துள்ளார். ஹிட் 3 படத்தை பிரபல இயக்குநர் சைலேஷ் கொலானு இயக்குகிறார்.

பிரசாந்தி திபிர்னேனி தயாரிப்பில் உருவாகியுள்ள இப்படம் வரும் மே மாதம் 1 ஆம் தேதி திரைக்கு வருகிறது. ரத்தம் தெறிக்கும் கிரிமினல் ஜானரில் உருவாகியுள்ள ஹிட் 3 படத்தின் டீசரரை படக்குழு அண்மையில் வெளியிட்டது.

போலீஸ் கதாபாத்திரத்தில் நானி இப்படத்தில் நடித்துள்ளார்.

படத்தின் முதல் பாடலான ப்ரேம வெல்லுவா பாடலை படக்குழு வெளியிட்டு நல்ல வரவேற்பை பெற்றது. படத்தில் நடிகர் கார்த்தி கௌரவ வேடத்தில் நடித்துள்ளதாக தகவல் வெளியாகியுள்ளது. இந்நிலையில் படத்தின் டிரெய்லர் நாளை காலை 11.07 மணிக்கு வெளியாக இருக்கிறது.

இந்த அறிவிப்பு போஸ்டரில் நானி ரத்தத்தில் குளித்து இருப்பது போல் உடம்பு முழுவதும் ரத்தம் பூசப்பட்டு காண்கிறார். மேலும் இப்படம் குழந்தைகளுக்கும் இதய பலவீனமானவர்களுக்கு ஏற்ற படம் அல்ல எனவும் குறிப்பிட்டுள்ளனர். இதனால் படத்தின் எதிர்ப்பார்ப்பு எகிறியுள்ளது.