நடிகர் விஜய்யின் மகன் ஜேசன் சஞ்சய் கனடாவில் உள்ள ஒரு பல்கலைக்கழகத்தில் திரைப்படத் தயாரிப்பில் படிப்பை மேற்கொண்டு வருகிறார். நடிகர் விஜய் 2022 இல் தனியார் தொலைக்காட்சிக்கு அளித்த பேட்டியில், சஞ்சய் திரைப்படத் துறையில் நுழைய விரும்புவதாகவும், ஏற்கனவே தென்னிந்தியத் திரைப்படத் துறையின் சிறந்த இயக்குனர்களிடமிருந்து பல பயிற்சிகளை பெற்று வருவதாகவும் விஜய் தெரிவித்து இருந்தார்.
தற்போது ஜேசன் சஞ்சய் குறும்பட இயக்குநராக மாறியுள்ளதாகவும், ஜேசன் சஞ்சய் ஒரு குறும்படத்தை எடுக்கும் வீடியோ சமூக தளங்களில் வைரலாகி வருகிறது. நெட்டிசன்கள் ஜேசன் விஜய் தனது தாத்தா எஸ்ஏ சந்திரசேகரைப் போலவே ஒரு படம் இயக்கத்தில் ஆர்வம் உள்ளதாகவும் அவரை போன்று புகழ்பெற்ற இயக்குனராக வருவார் என்றும் பதிவிட்டு வருகின்றனர். மேலும் விஜய் சேதுபதியை சஞ்சய் மிகவும் விரும்புவதாகவும், அவரை ஒரு திரைப்படத்தில் இயக்கதிட்டமிட்டுள்ளதாகவும் கூறப்படுகிறது.
விஜய்யின் வேட்டைக்காரன் திரைப்படத்தில் அவருடன் சேர்ந்து ஜேசன் சஞ்சய் நடனமாடியிருந்தது குறிப்பிடத்தக்கது.
