காமெடியை போல் கிரிக்கெட்டிலும் மாஸ் காட்டும் யோகிபாபு - வைரலாகும் வீடியோ

2009-ம் ஆண்டு வெளியான யோகி படத்தின் மூலம் அறிமுகமான யோகிபாபு, தமிழ் பட உலகில் முன்னணி நகைச்சுவை நடிகராக உயர்ந்துள்ளார். இவர் ரஜினி, விஜய், அஜித் என அனைத்து பெரிய கதாநாயகர்கள் படங்களிலும் நடித்து விட்டார். தற்போது ஏராளமான படங்களை கைவசம் வைத்துள்ளார். இதுதவிர பன்னி குட்டி, மண்டேலா, பொம்மை நாயகி போன்ற படங்களில் கதாநாயகனாகவும் நடித்து வருகிறார்.

இந்நிலையில், யோகிபாபு கிரிக்கெட் விளையாடும் வீடியோவை நடிகரும், தொகுப்பாளருமான மா.கா.பா.ஆனந்த் தனது சமூக வலைதள பக்கத்தில் பகிர்ந்துள்ளார். அந்த வீடியோவை பார்த்த ரசிகர்கள், யோகிபாபு, ஒவ்வொரு பந்தையும் நேர்த்தியான கிரிக்கெட் வீரர் போல் ஆடுவதாக பாராட்டி வருகின்றனர். மா.கா.பா.ஆனந்த் பதிவிட்டுள்ள இந்த வீடியோவுக்கு லைக்ஸ் குவிந்து வருகிறது.