விக்ரம் நடிப்பில் கடந்த 1999-ம் ஆண்டு வெளியான சேது படம் மூலம் தமிழ் சினிமாவில் இயக்குனராக அறிமுகமானவர் பாலா. முதல் படத்திலேயே முத்திரை பதித்த இவர், அடுத்தடுத்து இயக்கிய நந்தா, பிதாமகன், நான் கடவுள், அவன் இவன், பரதேசி போன்ற படங்கள் வசூல் ரீதியாகவும், விமர்சன ரீதியாகவும் நல்ல வரவேற்பை பெற்றன. விருதுகளையும் வாரிக்குவித்தன. குறிப்பாக நான் கடவுள் படத்திற்காக பாலாவுக்கு சிறந்த இயக்குனருக்கான தேசிய விருதும் கிடைத்தது.
இதனிடையே பாலா இயக்கும் அடுத்த படத்தில் ஜிவி பிரகாஷ் ஹீரோவாக நடிக்க உள்ளதாகவும், இப்படத்திற்கு ஏ.ஆர்.ரகுமான் இசையமைக்க உள்ளதாகவும் சில மாதங்களுக்கு முன் செய்திகள் வெளியானது.
இந்நிலையில், அப்படத்தில் நடிகர் அதர்வா வில்லனாக நடிக்க உள்ளதாக தகவல் வெளியாகி உள்ளது. இப்படம் குறித்த அறிவிப்பு விரைவில் வெளியாகக்கூடும் என எதிர்பார்க்கப்படுகிறது. நடிகர் அதர்வா ஏற்கனவே பாலா இயக்கிய பரதேசி படத்தில் நாயகனாக நடித்திருந்தார் என்பது குறிப்பிடத்தக்கது.
