அப்பா ஆனார் யோகிபாபு.... குவியும் வாழ்த்துக்கள்

தமிழ் பட உலகில் முன்னணி நகைச்சுவை நடிகராக உயர்ந்துள்ள யோகிபாபு, ரஜினி, விஜய், அஜித் என அனைத்து பெரிய கதாநாயகர்கள் படங்களிலும் நடித்து விட்டார். கடந்த வருடம் மட்டும் 25-க்கும் மேற்பட்ட படங்களில் நடித்த யோகிபாபு, தற்போது ஏராளமான படங்களை கைவசம் வைத்துள்ளார். இதுதவிர பன்னி குட்டி, மண்டேலா போன்ற படங்களில் கதாநாயகனாகவும் நடித்து வருகிறார். இவர் கடந்த பிப்ரவரி மாதம் மஞ்சு பார்கவி என்ற பெண்ணை திருமணம் செய்து கொண்டார். 

இந்தநிலையில் கர்ப்பமாக இருந்த மஞ்சு பார்கவிக்கு நேற்று அழகான ஆண் குழந்தை பிறந்தது. இருவரும் நலமாக இருப்பதாக யோகிபாபு தெரிவித்தார். மேலும் குழந்தை பிறந்த மகிழ்ச்சியில் மருத்துவமனை ஊழியர்கள் அனைவருக்கும் அவர் இனிப்பு வழங்கி மகிழ்ச்சி அடைந்தார். இதையடுத்து யோகிபாபுவுக்கு திரையுலக பிரபலங்களும், ரசிகர்களும் சமூக வலைதளங்களில் வாழ்த்துக்களை தெரிவித்து வருகின்றனர்.