கொரோனா பரவல் காரணமாக இந்தியாவில் கடந்த மார்ச் மாதம் லாக்டவுன் போடப்பட்டது. இதன் காரணமாக தியேட்டர்கள் மூடப்பட்டதால், புதிய படங்களை ஓடிடி-யில் நேரடியாக வெளியிட ஆரம்பித்தனர். அந்த வகையில் முதலில் சூர்யா தயாரிப்பில் ஜோதிகா நடித்த ‘பொன்மகள் வந்தாள்’ படம் வெளியிடப்பட்டது.
இப்படத்திற்கு நல்ல வரவேற்பு கிடைத்ததையடுத்து தொடர்ந்து பல்வேறு மொழி படங்களும் ஓடிடியில் வெளியிடப்பட்டன. அந்த வகையில் இந்தாண்டு ஓடிடியில் வெளியாகி, அதிகம் பேர் பார்த்த படங்களின் டாப் 10 பட்டியல் வெளியாகி உள்ளது. இதில் மூன்று தமிழ் படங்கள் இடம்பெற்றுள்ளன.
அதன்படி சூரரைப்போற்று 2-வது இடத்திலும், மூக்குத்தி அம்மன் 8-வது இடத்திலும், பொன்மகள் வந்தாள் 10வது இடத்திலும் உள்ளன. தற்கொலை செய்து கொண்டு ரசிகர்களிடம் அதிக தாக்கத்தை ஏற்படுத்திய பாலிவுட் நடிகர் சுஷாந்த் சிங் நடித்த கடைசி படமான தில் பேச்சரா படம் முதலிடத்தை பிடித்துள்ளது.
இதேபோல் 3வது இடத்தில் லுடோ, 4வது இடத்தில் ராகவா லாரன்ஸ் இயக்கிய லட்சுமி, 5வது இடத்தில் குஞ்சன் சக்சேனா, 6வது இடத்தில் குதா ஹாபிஸ், 7வது இடத்தில் குலாபோ சித்தாபோ ஆகிய இந்திப் படங்களும், 9வது இடத்தில் நானி நடித்த தெலுங்குப் படமான வி இடம் பிடித்துள்ளது.
