மீண்டும் இணையும் திரெளபதி கூட்டணி

மோகன் ஜி இயக்கத்தில் வெளியாகி நல்ல வரவேற்பை பெற்றுவரும் திரைப்படம் திரெளபதி. ரிச்சர்டு நாயகனாக நடித்திருந்த இப்படம் நாடக காதல், ஆணவக்கொலைகளை மையப்படுத்தி எடுக்கப்பட்டிருந்தது. பல்வேறு தடைகளை கடந்து வெளியான இப்படம் வசூலிலும் பல்வேறு சாதனைகளை படைத்து வருகிறது. இதனிடையே, தனது அடுத்த படத்தின் தலைப்பும் கடவுள் பெயராக தான் இருக்கும் என கடந்த சில தினங்களுக்கு முன்னர் அப்படத்தின் இயக்குனர் மோகன் ஜி அறிவித்திருந்தார்.

இந்நிலையில், திரெளபதி படத்தின் இசையமைப்பாளர் ஜுபின் தனது டுவிட்டர் பக்கத்தில், இயக்குனர் மோகன் ஜி மற்றும் நடிகர் ரிச்சர்டு உடன் இருக்கும் புகைப்படம் ஒன்றை பதிவிட்டுள்ளார். அதில் “எங்கள் கூட்டணியில் அடுத்த படத்தின் அறிவிப்பு விரைவில் வெளியாகும்” என குறிப்பிட்டுள்ளார். இதன்மூலம் திரெளபதி பட கூட்டணி மீண்டும் இணைவது உறுதியாகியுள்ளது.