ரம்யா பாண்டியனுக்கு ஆதரவாக களமிறங்கிய பிரபல நடிகர்

ஜோக்கர் படத்தில் நாயகியாக நடித்திருந்தவர் நடிகை ரம்யா பாண்டியன். அந்த படத்தை தொடர்ந்து ஆண் தேவதை படத்திலும் நடித்திருந்தார். ரம்யா பாண்டியன் சமீபத்தில் நடத்திய போட்டோ ஷூட் புகைப்படங்கள் சமூகவலைதளங்களில் வைரலாகி இளைஞர்களிடம் வரவேற்பை பெற்றன. 

இந்த புகைப்படங்களால் திடீரென பிரபலமானார் ரம்யா பாண்டியன். அதேவேளையில் இந்த புகைப்படங்கள் படவாய்ப்புக்காக எடுக்கப்படவில்லை என்றும் ரம்யா தெரிவித்திருந்தார்.

இந்த நிலையில் தமிழ்த் திரையுலகுக்கு கோரிக்கை வைத்திருக்கும் நடிகர் விவேக், ’பண்பும், அழகும், பதில்களில் பணிவும் கொண்ட ரம்யாபாண்டியன் தன் நடிப்பால் ஜோக்கர், ஆண்தேவதை படங்களில் மிளிர்ந்தார். தமிழை தாய்மொழியாகக் கொண்டு அதை சரியாக உச்சரிக்கவும் செய்யும் இவரை தமிழ் சினிமா வரவேற்க வேண்டும் என்பது என் பணிவான வேண்டுகோள்’ என்று கூறியிருக்கிறார்.