யாருடன் முதல் முத்தம்: ராய் லட்சுமி பதில்

நடிகை ராய் லட்சுமி ஐதராபாத்தில் அளித்த பேட்டி விவரம் வருமாறு:-

கேள்வி:- உங்களை கவரும் ஆண் எப்படி இருக்க வேண்டும்?

பதில்:- உண்மையாக இருக்க வேண்டும். ஆணும் பெண்ணும் சமம் என்ற உணர்வோடு பார்க்க வேண்டும். பெண்ணை மதிக்க வேண்டும். அப்படிப்பட்ட ஆண்களை எனக்கு ரொம்ப பிடிக்கும்.

கேள்வி:- முதல் முத்தம் அனுபவம்?

பதில்:- முதல் முத்தம் கொடுப்பது அம்மா, அப்பாதான். அதுதான் எப்போதும் இனிய நினைவுகளாக இருக்கும்.

கேள்வி:- எந்த மாதிரி கதாபாத்திரங்களில் நடிக்க விரும்புகிறீர்கள்?

பதில்:- கதாபாத்திரங்களுக்கு எல்லையே கிடையாது. என் குடும்பத்தினரும், ரசிகர்களும் என்னை சந்தோஷமாக பார்க்க முடிந்தால் போதும். நடிப்புத்தொழிலை நான் விரும்பி செய்கிறேன். எப்போதும் திறமைக்குத்தான் முக்கியத்துவம் கொடுக்கிறேன்.

கேள்வி:- எப்போதாவது அவமானங்களை எதிர்கொண்டு இருக்கிறீர்களா?

பதில்:- அவமானப்படுவது, வஞ்சிக்கப்படுவது போன்ற நிகழ்வுகளை நான் ஞாபகத்தில் வைத்துக்கொள்வதே இல்லை.

கேள்வி:- வருங்கால கணவர் பற்றி?

பதில்:- என் வாழ்க்கை துணைவரோடு சேர்ந்து பயணம் செய்ய விரும்புகிறேன். நல்ல உணவுகளை சமைத்து அவருக்கு கொடுப்பேன். அவரது தேவைகள் என்ன என்பதை முன்னதாகவே தெரிந்து வைத்துக்கொண்டு அதை செய்து கொடுக்க இஷ்டப்படுவேன்.

கேள்வி:- கிசுகிசுக்கள் பற்றி என்ன நினைக்கிறீர்கள்?

பதில்:- சாதாரணமாக எந்த நடிகையாக இருந்தாலும் சக நடிகரோடு தொடர்புபடுத்தி வதந்திகள் பரப்பி விடுவார்கள். இதை மோசமான விஷயமாக நான் சொல்ல மாட்டேன்.

கேள்வி:- மக்கள் மத்தியில் துணிச்சலாக நீங்கள் கவர்ச்சி காட்டிய அனுபவம் இருக்கிறதா?

பதில்:-அது சமீபத்தில் நிஜமாகவே நடந்தது. ஜுலி-2 படப்பிடிப்பில் நெருக்கமான ஒரு காட்சியில் நூற்றுக்கணக்கான தொழிலாளர்கள் முன்னிலையில் நடித்தேன் அது மிகவும் கஷ்டமாக இருந்தது.

இவ்வாறு ராய் லட்சுமி கூறினார்.