ரஜினி நடிப்பில் ரஜினியின் இளைய மகள் சவுந்தர்யா ரஜினிகாந்த் உருவாக்கிய படம் ‘கோச்சடையான்’. மோஷன் கேப்சர்ஸ் தொழில்நுட்பத்தில் வெளிவந்த இப்படத்திற்கு திரைக்கதை எழுதியிருந்தார். இப்படத்தில் நடிகர் ஆதியும் முக்கிய கதாபாத்திரத்தில் நடித்திருந்தார்.

இந்நிலையில், கே.எஸ்.ரவிக்குமார் இயக்கும் அடுத்த படத்தில் நடிகர் ஆதி நடிக்கவிருப்பதாக செய்திகள் வெளியாகியுள்ளது. இப்படத்தை ரிக்வேதா கிரியேஷன்ஸ் என்ற நிறுவனம் தயாரிக்கிறது. இப்படம் குறித்த மேலும் தகவல்கள் மற்றும் நடிகர், நடிகையர்கள் குறித்த தகவல்கள் விரைவில் வெளிவரும் என தெரிகிறது.



கே.எஸ்.ரவிக்குமார் இயக்கத்தில் கடைசியாக வெளிவந்த ‘முடிஞ்சா இவன புடி’ படம் எதிர்பார்த்த அளவு வெற்றி பெறவில்லை. இந்நிலையில், வெற்றி கொடுக்கவேண்டிய கட்டாயத்தில் இப்படத்தை இயக்கவுள்ளார். விரைவில், இப்படத்தின் படப்பிடிப்பு தொடங்கும் என எதிர்பார்க்கப்படுகிறது. 

சர்வதேச இந்திய சினிமா அகாடமி ஒவ்வொரு வருடமும் தமிழ் மற்றும் இதர மொழிகளில் வெளியாகி சாதனை படைத்த படங்கள் மற்றும் கலைஞர்களுக்கு விருதுகள் வழங்கி கவுரவித்து வருகிறது. அந்த வரிசையில், இந்த வருடமும் இந்த விருது வழங்கும் விழா நேற்று தொடங்கி இன்று நடைபெற்று முடிந்துள்ளது.



தமிழ் மற்றும் மலையாள சினிமாவுக்காக நடந்த இந்த விழாவில் தமிழில் விஜய் நடிப்பில் வெளிவந்த ‘தெறி’,  மாதவன் நடிப்பில் வெளிவந்த ‘இறுதிசுற்று’ ஆகிய படங்கள் தலா மூன்று விருதுகளை வாங்கியுள்ளன. ‘தெறி’ படம் சிறந்த துணை நடிகை, சிறந்த வில்லன், சிறந்த இயக்குனர் ஆகிய விருதுகளை வாங்கியுள்ளது. ‘இறுதிசுற்று’ சிறந்த படம், சிறந்த நடிகர், சிறந்த நடிகை என மூன்று பிரிவுகளில் விருது பெற்றிருக்கிறது.

மேலும், விருது பெற்றவர்களின் முழு பட்டியல் கீழே:-

சிறந்த நடிகர் - மாதவன் (இறுதிசுற்று)
சிறந்த நடிகை - ரித்திகா சிங் (இறுதிசுற்று)
சிறந்த இயக்குனர் - அட்லி (தெறி)
சிறந்த துணை நடிகர் - நாகர்ஜுனா (தோழ)
சிறந்த துணை நடிகை - பேபி நைனிகா (தெறி)
சிறந்த காமெடியன் - ஆர்.ஜே.பாலாஜி (தேவி)
சிறந்த வில்லன் - மகேந்திரன் (தெறி)
சிறந்த இசையமைப்பாளர் - ஏ.ஆர்.ரகுமான் (அச்சம் என்பது மடமையடா)
சிறந்த பாடலாசிரியர் - அருண் ராஜா காமராஜ் (நெருப்புடா - கபாலி)
சிறந்த பின்னணி பாடகர் - அனிருத் (தங்கமே, நீயும் நானும் - நானும் ரவுடிதான்)
சிறந்த பின்னணி பாடகி - நீதி மோகன் (நீயும் நானும் - நானும் ரவுடிதான்)
சிறந்த கதை - கார்த்திக் நரேன் (துருவங்கள் பதினாறு)

வெற்றிமாறன் இயக்கத்தில் தனுஷ் நடிக்கும் ‘வடசென்னை’ படத்தில் விஜய் சேதுபதியும் முக்கிய கதாபாத்திரத்தில் நடிப்பதாக செய்திகள் வெளிவந்தது. இந்நிலையில், கடந்த சில தினங்களுக்கு முன்பு இப்படத்தில் விஜய் சேதுபதி விலகிவிட்டதாக பேச்சு அடிபட்டது. ஒருதரப்பில் இந்த செய்தி பொய் என்று கூறப்பட்டாலும், மறுபக்கம் இது வெறும் வதந்திதான் என்று கூறப்பட்டது.

இந்நிலையில், விஜய் சேதுபதி ‘வடசென்னை’ படத்தில் விலகிவிட்டது உறுதி செய்யப்பட்டுள்ளது. அவர் விலகியதற்கு யாருடனும் எந்த மனஸ்தாபம் இல்லை என்றும், கால்ஷீட் பிரச்சினையாலேயே இந்த படத்தில் இருந்து விலகியதாக கூறப்படுகிறது.



‘வடசென்னை’ படத்தின் முதல்கட்ட படப்பிடிப்பு நடந்து முடிந்துள்ளது. இந்த மாதத்தில் இரண்டாவது கட்ட படப்பிடிப்பை தொடங்குவார்கள் என்று கூறப்பட்டது. ஆனால், திட்டமிட்டபடி இரண்டாம் கட்ட படப்பிடிப்பை தொடங்க முடியவில்லை. விஜய் சேதுபதி அடுத்தடுத்த படங்களில் நடிக்க ஒப்புக்கொண்டுள்ளதால், இப்படத்திற்காக ஒதுக்கப்பட்ட தேதியும் தள்ளிப்போனதால், இதில் அவரால் நடிக்க முடியவில்லை என்று கூறப்படுகிறது. 

ராஸ், தூம் போன்ற படங்களில் நடித்து ரசிகர்களின் மனதில் நீங்கா இடம் பிடித்த நடிகை பிபாஷா பாசு. இந்திப்பட உலகில் முன்னணி நடிகையாக திகழ்ந்த இவர், கடந்த ஆண்டு ஏப்ரல் மாதம் தனது 38-வது வயதில் கரண்சிங் குரோவரை திருமணம் செய்துகொண்டார்.

இந்த நிலையில் பிபாஷா பாசு கர்ப்பமாக இருப்பதாகவும், அவருக்கு குழந்தை பிறக்கப் போவதாகவும் சமூக வலைதளங்களில் பரவி வருகிறது. ஆனால், இதை நடிகை பிபாஷா பாசு மறுத்துள்ளார். இதுகுறித்து அவர் சமூக வலைத்தளத்தில் கூறியிருப்பதாவது:-



என்னை பற்றி பரப்பப்படும் எந்த தகவலையும் நம்பவேண்டாம். நான் கர்ப்பமாக இருக்கிறேன் என சிலர் சிறுபிள்ளைதனமாக கூறுவது எரிச்சலூட்டுகிறது. என்னிடமிருந்து இதுபோன்ற இனிப்பான செய்திகளை எதிர்பார்த்து காத்திருக்கும் என் நலம் விரும்பிகளிடம் இந்த தவறான செய்திக்காக மன்னிப்பு கேட்டுக்கொள்கிறேன்.

நான் கர்ப்பிணியாக இல்லை. தற்போது குழந்தை பெற்றுக்கொள்வது குறித்து இதுவரை நாங்கள் எந்த முடிவும் எடுக்கவில்லை. நடக்கும்போது அந்த மகிழ்ச்சியான செய்தியை நிச்சயமாக என் நலம் விரும்பிகளுக்கு தெரியப்படுத்துவேன்.

இவ்வாறு அவர் கூறி உள்ளார்.

பாலிவுட் நடிகை கவிதா ராதேஷ்யாம், இந்தியில் சைய்தான், ஷராப் உள்ளிட்ட பல படங்களில் நடித்துள்ளார். அதுமட்டுமில்லாமல் இந்தி தொலைக்காட்சி தொடர்களிலும் நடித்துள்ளார். கன்னடம், மராத்தி, தெலுங்கு ஆகிய மொழிகளிலும் நடித்துள்ளார்.

இவர் அவ்வப்போது சமூக வலைத்தளங்களில் தன்னுடைய கவர்ச்சியான புகைப்படங்களை வெளியிடுவதை வழக்கமாகவும் வைத்துள்ளார். அதேபோல், பெரிஸ்கோப் என்ற தொழில்நுட்பத்தின் உதவியுடன் சமூக வலைத்தளங்களில் அவ்வப்போது லைவ் வீடியோக்களையும் வெளியிட்டு வருகிறார்.



அந்த வரிசையில் தற்போது, அவருடைய ரசிகர்களுக்கு பரபரப்பு அறிவிப்பு ஒன்றை வெளியிட்டுள்ளார். அதாவது, தனது அபார்ட்மெண்ட் மாடியில் தனது காதலருடன் அவர் உறவு கொள்வதை பெரிஸ்கோப் மூலமாக லைவ் வீடியோவாக வெளியிடப் போகிறாராம். இன்னும் 7 நாட்களில் அந்த லைவ் வீடியோ வெளியிடப்படும் என்றும் அவர் தெரிவித்துள்ளார்.

இதற்கான காரணத்தையும் அவர் வெளியிட்டுள்ளார். அதாவது, இனவாதம், தீவிரவாதம், பாகுபாடு என்று சமூகத்தில் பல பிரச்சினைகளை சந்தித்து வரும் இந்த உலகிற்கு நிம்மதி வேண்டுமென்றால் அது காதலால் மட்டுமே முடியும் என்பதை நிரூபிக்கவே இந்த வீடியோவை அவர் வெளியிடப்போவதாக தெரிவித்துள்ளார்.

கவிதா ராதேஷ்யாமின் இந்த அறிவிப்பு பாலிவுட் வட்டாரத்தில் பலரை அதிர்ச்சியிலும், ஆச்சர்யத்திலும் ஆழ்த்தியுள்ளது.

நடிகர் கமல்ஹாசன் தனியார் தொலைக்காட்சியில் பெண்களுக்கு எதிராக நடக்கும் குற்றங்கள் குறித்த கேள்வியொன்றுக்கு மகாபாரதத்தை மேற்கோள் காட்டி பதில் அளித்து இருந்தார். இதற்கு இந்து அமைப்புகள் எதிர்ப்பு தெரிவித்தன. இந்துக்களின் கலாசாரத்தை அவர் கொச்சைப்படுத்தி இருப்பதாகவும் குற்றம்சாட்டின.

கமல்ஹாசன் மீது வள்ளியூர், கும்பகோணம் கோர்ட்டுகளில் அவதூறு வழக்குகள் தொடரப்பட்டு உள்ளன. பெங்களூருவிலும் பிரணவந்தா என்ற சாமியார் கமல்ஹாசன் மீது நடவடிக்கை எடுக்கக்கோரி போலீசில் புகார் அளித்து இருக்கிறார்.

“மகாபாரதம் குறித்து சர்ச்சை கருத்தை தெரிவித்ததாக உங்கள் தந்தை கமல்ஹாசன் மீது கோர்ட்டுகளில் வழக்குகள் தொடரப்படுகிறதே?” என்று ஐதராபாத் வந்த கமல்ஹாசனின் மகளும், நடிகையுமான அக்‌ஷராஹாசனிடம் நிருபர்கள் கேட்டனர்.



இதற்கு பதில் அளித்து அக்‌ஷராஹாசன் கூறியதாவது:-

“எனது தந்தை எந்த ஒரு விஷயத்தை பற்றி பேசினாலும் அதுகுறித்து நிறைய யோசிப்பார். ஆழமாக சிந்திப்பார். அதன்பிறகுதான் தனது கருத்தை வெளியிடுவார். வரலாற்றை திரும்பி பார்த்தால் அவரது வாழ்க்கை பயணத்தில் இதுபோல் நிறைய சர்ச்சைகளை அவர் சந்தித்து இருக்கிறார்.

எனது தந்தை நடிப்பில் ‘சபாஷ்நாயுடு’ படம் தற்போது தயாராகி வருகிறது. இதில் எனது அக்கா சுருதிஹாசனும் நடிக்கிறார். இந்த படத்தில் எனக்கும் நடிக்க ஆர்வம் இருக்கிறது. கதைக்கு தேவைப்பட்டால் நானும் நடிப்பேன். அஜித்குமாருடன் விவேகம் படத்தில் நடித்து வருகிறேன். இது மகிழ்ச்சியான அனுபவமாக இருக்கிறது. இந்தி படமொன்றில் திருமணத்துக்கு முன்பு கர்ப்பமாகும் பெண் வேடத்தில் நடிக்கிறேன். இது ஒரு விழிப்புணர்வு படமாக இருக்கும்”.

இவ்வாறு அக்‌ஷராஹாசன் கூறினார்.