ஹீரோவின் குறைந்த விலை மோட்டார்சைக்கிள் அறிமுகம்

ஹீரோ மோட்டோகார்ப் நிறுவனம் இந்தியாவில் ஹெச்எப் 100 மோட்டார்சைக்கிளை அறிமுகம் செய்தது. இதன் விலை ரூ. 49,400, எக்ஸ்-ஷோரூம் ஆகும். இந்திய சந்தையில் இது ஹீரோ மோட்டோகார்ப் நிறுவனத்தின் குறைந்த விலை மோட்டார்சைக்கிள் ஆகும். 

புதிய ஹெச்எப் 100 தோற்றத்தில் ஹீரோ டீலக்ஸ் மாடலை போன்றே காட்சியளிக்கிறது. இந்த மாடல் எளிய கிராபிக் டிசைன் மற்றும் அம்சங்களை கொண்டுள்ளது. இதனால் இதன் விலை என்ட்ரி லெவல் ஹெச்எப் டீலக்ஸ் மாடலை விட ரூ. 1300 குறைவாகும். 

சிறு மாற்றங்கள் தவிர இந்த மாடல் தோற்றத்தில் ஹெச்எப் 100 டீலக்ஸ் போன்றே காட்சியளிக்கிறது. இந்த மாடலிலும் 97சிசி, ஏர் கூல்டு, சிங்கில் சிலிண்டர், பியூவல் இன்ஜெக்ட் செய்யப்பட்ட என்ஜின் வழங்கப்பட்டு இருக்கிறது. இது 7.9 பிஹெச்பி பவர், 8.05 என்எம் டார்க் செயல்திறன் வழங்குகிறது. இத்துடன் 4 ஸ்பீடு கியர்பாக்ஸ் வழங்கப்பட்டுள்ளது.