search icon
என் மலர்tooltip icon

    ஆட்டோமொபைல்

    2021 ஸ்கிராம்ப்ளர் ஐகான் டார்க்
    X
    2021 ஸ்கிராம்ப்ளர் ஐகான் டார்க்

    2021 டுகாட்டி ஸ்கிராம்ப்ளர் ஐகான் சீரிஸ் இந்தியாவில் அறிமுகம்

    2021 டுகாட்டி ஸ்கிராம்ப்ளர் ஐகான் மற்றும் ஸ்கிராம்ப்ளர் ஐகான் டார்க் மோட்டார்சைக்கிள்கள் இந்திய சந்தையில் அறிமுகம்.


    டுகாட்டி நிறுவனம் இந்தியாவில் புதிதாக ஸ்கிராம்ப்ளர் ஐகான் மற்றும் ஸ்கிராம்ப்ளர் ஐகான் டார்க் மோட்டார்சைக்கிள் மாடல்களை அறிமுகம் செய்து இருக்கிறது. இவற்றின் விலை முறையே ரூ. 8.49 லட்சம் மற்றும் ரூ. 7.99 லட்சம் என நிர்ணயம் செய்யப்பட்டு உள்ளன. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

    இரு மோட்டார்சைக்கிள் மாடல்களின் அம்சங்கள் மற்றும் என்ஜின் ஒன்று தான். எனினும், இவை நிறங்களின் அடிப்படையில் வித்தியாசப்படுகிறது. ஸ்கிராம்ப்ளர் ஐகான் டார்க் மாடல் மேட் பிளாக் நிறத்தில் கிடைக்கிறது. இத்துடன் மெஷின் பினிஷ் செய்யப்பட்ட அலுமினியம் பெல்ட் கவர்கள், மாற்றக்கூடிய அலுமினியம் சைடு பேனல்கள் வழங்கப்படுகின்றன.

     2021 ஸ்கிராம்ப்ளர் ஐகான் டார்க்

    இரு மாடல்களிலும் புல் எல்இடி லைட்டிங், பிளாட்டர் சீட், 10-ஸ்போக் அலாய் வீல்கள், அப்சைடு-டவுன் போர்க், பின்புறம் மோனோ ஷாக், இரு சக்கரங்களிலும் டிஸ்க் பிரேக், போஷ் கார்னெரிங் ஏபிஎஸ் உள்ளிட்ட அம்சங்கள் வழங்கப்பட்டு இருக்கின்றன.

    புதிய டுகாட்டி ஸ்கிராம்ப்ளர் ஐகான் மற்றும் ஸ்கிராம்ப்ளர் ஐகான் டார்க் மாடல்களில் பிஎஸ்6 ரக 803சிசி, ஏர்-கூல்டு, ல்-ட்வின் என்ஜின் வழங்கப்பட்டு இருக்கிறது. இத்துடன் 6 ஸ்பீடு டிரான்ஸ்மிஷன் வழங்கப்படுகிறது. 

    இந்தியாவில் இரு டுகாட்டி மோட்டார்சைக்கிள்களுக்கான முன்பதிவு நாடு முழுக்க அனைத்து விற்பனையகங்களிலும் துவங்கி நடைபெற்று வருகிறது. 
    Next Story
    ×